تحليل fifty shades darker (2017)
السلام والحب عليكم..
قبل ما نبدأ الجزء التاني عايز اقول حاجه .. الجزء التاني في سلسلة الافلام دي بيبين الحرب.. مرحلة الحب معروفه ف خطوات التعافي انها قلب واساس التعافي. لأن بعد (الجزء الاول) المرحله الاولي اللي فيها بيتعرف المدمن او المريض او خلافه ان في طريق تاني للحياه وانه ممكن يخوضه ويستغني عن ادماناته بس هيدفع كتير وهيتألم كتير بس هيوصل لحاجه جت خطواته الاصعب. الصخره اللي بيتكسر عليها مراكب الالاف. القرار. انه عايز يخوض ويحارب يدفع التمن ده ويحب الحياه مره تانيه ويشوف عالم اوسع من دايرة ادمانه او يفضل ف بيته الضلمه مساحة الامان (ف نظرته) اللي خلقها لنفسه واللي رتبها ودفع فيها كتير اوي عقبال ما يستقر ويتأقلم مع مرضه. كمان ده مم اكبر التحديات للحبيب او الصديق او ايا كان وضع الشخص اللي بيجازف مع المدمن او المريض ف انه يشفي ويتعافي.. هو بيضحي ب راحة باله و امانه و اهم حاجه هيضحي بيها استقراره.. لازم يبقي عارف انه هيدفع كتير.. هيتلغبط وهييجي وقت ويقول انا ايه اللي انا بعمله ف نفسي ده ما يولع ما انا فيا اللي مكفيني. من الحاجات اللي لفتت نظري كمان وانا بكتب في الفيلم. ان لاحظوا ان أنا مكانش عندها علاقات سابقه او جروح قديمه بشعه يعني. في اغلب الحالات انت هتلاقي الطرف التاني اللي مش مدمن يعني عنده برضه مشاكله وحاجات مبوظاله حياته ويمكن علاقات سابقه افقدته ثقته ف نفسه وفي الناس. ومش من السهل ان الحبيب او غيره ياخد خطوات ف منتهي الجراءه زي دي وهو اساسا عنده اللي مددمر حياته وفاقداه الثقه. بس في الاخر عايز اقول. ان الحب يشفي.. ب شرط ان الطرفين يبقوا بيعافوا بعض. بيخففوا بعض. بيلاحظوا ده.. كل واحد جواه امتنان لمساعدة التاني. وهيقابلوا بلاوي كتير وهيقعوا. بس في الحالات دي الموضوع مبيبقاش مجرد حب او علاقه. بيبقي بيت. ومش من السهل انك تسيب بيتك.يمكن مستحيل كمان.
كفايه رغي نبدأ بقي..
اول دقيقه في الفيلم بيجيب مشهد مرعب. صوت صويط. صوت ضرب. طفل بيجري يستخبي تحت الترابيزه.. اوبااا. كريستيان بيحلم. راجل جاي علي الطفل المستخبي تحت الترابيزه. وبيمسكه. الطفل بيصوط. كريستيان بيصرخ مع الطفل no.
ف اخر الجزء الأول. بيوضح وقد ايه الانفصال ده كان متعب حدا للطرفين وان محدش عارف يكمل حياته ببساطه كدا بعد ما لقوا (الحاجه الحقيقيه) اللي اتكلمنا عليها الجزء اللي فات. وتقدروا تقولوا انها طريقة ممكن تتنبئوا بيها لمستقبل علاقاتكوا وعلاقات اللي حواليكوا.. لو حسيتوا بالحقيقه والاهليه بين اي طرفين اعرفوا انهم هيرجعوا...ولو سابوا بعض هيفضلوا فاكرين بعض العمر كله. لأن مهما الشخص سكن بيوت. مش هييجي حد زي بيته الاول ف اخر ثانيه في الجزء الاول كريستيان بيقوم من علي كرسيه كأنه رايح يعمل حاجه مهمه كدا وهو ف اجتماع. وبيخلص الفيلم ونعيط وننف وكله كله.
الجزء التاني بيبدأ ان أنا نفسها ف كريستيان بس فيه الم كبير. يمكن ف حالة كريستيان وأنا وبطريقة تعامل كريستيان مع علاقاته الموضوع كان اقرب للفشل من النجاح بس هو كان بيتغير برضه وكان بيحاول لولا اخر يوم ف علاقتهم ده اللي افضلوا فاكرينه كويس عشان مهم اوي.كريستيان نفس الكلام اكيد وحشاه أنا وده الشئ الغريب .. بما ان علاقاته وصلت ل 15 واحده قبل أنا ف اكيد معتبرش ان حد يوحشه يعني اللي يمشي يمشي يعني ونجيب غيره. ولأول مره بيختبر حاجه (حقيقيه) ف مبتهيأليش انه هيسكت علي قلبه الموجوع ده.. رغم صوت عقله اللي بيصرخ بس مش واضح.
نجري بالاحداث شويه
أنا اشتغلت ف دار نشر ناجحه ومعروفه كريستيان بيبعتلها ورد. بما معناه ان فيه خط تواصل مفتوح. بس هي مش قابلاه.
أنا وهي بتكلم مامتها بتقولها ان كريستيان بعتلها ورد بتقول كلمه مهمه (العلاقه مكانتش هتكمل) واسف اني هرغي ف ده لأن اكيد قريتوا حاجات زي دي قبل كدا. معرفتنا الموثوقه بإن (المواضيع مش هتكمل) بيخلينا نستسلم عنها اسهل واسرع يمكن من الطبيعي. العلاقات مش لازم تبقي حروب عشان نحافظ عليها. بس لازم تبذل جهد مش بس في الحفاظ كمان ف انك تبنيها. لأن طول ما بتبني هتقدر تتعايش مع اي جزء بيقع وفي العلاقات الصحيه انت بيبقي عندك وعي كافي ان في اجزاء هتقع وان ساعات مش هتبقي قادر ووعيك ده لازم يقويك ان ده مش معناه النهايه ده معناه ان الاستقرار والهدوء مش غلط. اساس اي علاقه الراحه والهدوء والاستقرار مش انك تفضل كل بوم ف سباق لإثبات نفسك وحبك للطرف الاخر. طبعا الكلام ده مينطبقش اوي علي علاقة أنا ب كريستيان لأن أنا وكريستيان فعلا حاربوا عشان يبنوا اول علاقتهم. لكن برضه اعتبروها نصيحه. فيه ضربات لازم يبقي ليها حوايط عشان تستحملها. يعني مينفعش تبقي انت لسه بتتعرف علي واحده مثلا وتفاجئها بأهم أسرارك مش عشان هي وحشه ومش هتتقبله ولا عسان انت ضغيف مش قادر تشاركه. لكن عشان دي ضربه محتاجه يبقي ليها رصيد معرفه وغلاوه عشان نقدر نشيلها ونستحملها ونتعامل معاها كمان لو ينفع نعديها لو حاجه من الماضي. عامتا كل كلامي في العموم جدا و لكل علاقه طريقها. في علاقات لازم تتبني علي وضوح كامل لأن دي يمكن اللي يبني العلاقه صح وأقوي. أنا ف اخر الفيلم كانت بتعلن انهزامها في الحرب دي. انا حاربت كفايه. كريستيان فعلا اللي كان عليه الدور مش ف انه بس يحارب علي رجوع أنا انه يحارب علي نفسه كمان.
المهم الاحداث بتجري وكريستيان بيقابل أنا غالبا ف معرض هي كانت قيلاله عليه يعني او مبلغاه بيه لما كانوا مع بعض. وبيعزمها عالعشا وبعد محايله شويه أنا وافقت .. عشان بس نتناقش. وللمره الألف. مفيش حاجه هتحل اي مشكله فالكوكب الا المناقشات الهاديه الموضوعيه. والا مكانش اكتر علاچ مؤثر في علم النفس هو العلاج المعرفي والسلوكي في جلسات الحديث.
المهم انهم اول ما بيحودوا ف شارع ضلمه.. بيبوسوا بعض.. المناقشه الموضوعيه يااا ؟؟!
أنا بتقول انها مش قادره تعمل ده وكنت متوقع تسكعه بالقلم بس ما علينا
بيتكلموا.. وياريت نركز في اللي جاي ده.
كريستيان بيعزم أنا عالعشا. أنا بتقوله اتفضل ارغي.
بيقولها i want you back.. واللي هو انت لو طالب عيش فينو هتقولها بطريقه ألطف من كدا
والحمدلله أنا اتكلمت اخيرا وبتفهمنا البلوه الزرقه للي مفهمهاش من الجزء الأول.
هقول ايجاز الكلام ومضمونه بعني للي أنا قالته
انا مش لايقه طريقه نرجع بيها. لما طلبت منك توريني اكتر حاجه مؤلمه فال red roon عشان افهم بيها ايه اخرك او ايه السبب فاللي انت فيه يعني توقعت ان تبقي حاجه ليها علاقه بالسكس او ال hardcore بشكل محدد. يس بدل ده انت كنت بتسبب الألم ذاته. عايز تشوفني متألمه وده اللي انت مش عايز تقوله. كريستيان قاطعها وقالها انا بحاول اشتغل عليه. أنا ردت وقالتله تشتغل علي ايه؟ اللي انت مارسته قبل كدا ده لسه موجود وطول ما انت قافل علي اسرارك وطول ما الشئ اللي عايز يشوفني متألمه ده موجود يبقي عمرنا ما هنعرف نرجع بس قبل ما اقول رد كريستيان خلونا نحل الجزء ده.
في الاول مشهد انه كريستيان يتطلب منه يوريها الاسوأ وفعلا يوريها الأسوأ. بس انا مس هستخدم لفظ اسوأ عشان مش ده الحقيقي... اللي عمله كريستيان دي الحقيقه الوحش اللي مخبيه واللي عمال يطلع بشكل شيك وزايف. لكن في اعماقه هو عايز يشعر ان كل ست متألمه وتعبانه وان هو السبب في ألمها ده. طبعا من
١ ذكرياته عن مامته
٢ تربيته اللي مش سليمه ب 1%
٣ استغلاله جنسيا ف سن البلوغ والمراهقه ولحد سن الشباب .
المهم ان المشهد عبقري فعلا انه يطلع بالوضوح ده.
المهم ان أنا الوحيده اللي شافت حقيقته. ده اولا خلاها متستحملش ليه عايز يأذيها اوي كدا هي طبعا مش فاهمه اسبابه وهو مش عايز يشاركها. ثانيا والاهم يخلي كريستيان يتشل من كتر جلد الذات اللي هيجيله انه حتي لما حب واحده عمل فيها كدا.
نرجع تاني
كريستيان وشه قلب اخد ملامح شويه مش مفهومه. بس نقدر نقول ان بدأ يسمع صوت قلبه وعقله حتي لو متناقضين بس عالاقل بيسمعهم. عقله طبعا لا متقولهاش متقولهاش.. هتكرهنا وتسيبنا. و قلبه لا دي بتحبك قولها هتقبلك وهتحضنك ومش هتخاف. المهم بدأ في الكلام
"امي كانت مدمنة جنس. مدمنة كحول ومخدرات. ماتت وانا عندي اربع سنين"
طبعا يمكن كريستيان كان بيتمني يموت دلوقتي حالا
بس أنا بمنتهي الهدوء وحرفيا عينيها مليانه حب.
مقولتليش ليه..
طبعا لو فاكرين انه قالها بس هي كانت نايمه.
قالها انا قلتلك بس انتي كتتي نايمه في الوقت ده.
الحته اللي جايه خارقه. بتقوله طيب بص بقي
مش هيبقي فيه قواعد مش هيبقي فيه عقوبات
(العقد والادمان ودايرة امانه وبيته المظلم هيتلغوا)
اتفق معاها
وقالتله مفيش قواعد مفيش عقوبات. ومفيش اسرراااررر..
ستوب بقي. كريستيان شاررككك بني ادم اخيرااا.
اول العلاج. اول التعافي. بيتعري من كل ماسكاته وكدبه. الاهم من انه يتعري. هو بيتعري وهو مطمن وهو فرحان وهو راضي وهو بيحب.. بيتعري وهو بيتحب.
فيه حته كمان معلش نركز فيها. أن أنا بتهزر ويتقوله هنسمي ده ايه.. علاقه طبيعيه؟ بسخريه يعني
كريستيان قالها انا مستعد اعمل اللي انتي مرتاحاله.
يمكن اي مدمن او مريض مش هيبقي راضي عنه 100% بس الاهم من رضاه. انه ميعاندش اكتر ويسيب قلبه وعقله يتفقوا براحتهم حتي لو حد هيضايق التاني شويه بس مهما كان عنده هيبقي عارف كويس اوي من جواه ان ده الصح وان ده اللي المفروض يحصل حتي لو في إجبار لوقت. كمان ده يدينا رمزيه شويه عن ان اي مريض لازم يصدق ف دماغ الطبيب او المعالج لوقت من غير ما هو يفكر او يحكم لأن موازينه مختله ومش هتحكم صح ولازم يصدق ويعرف ده..ويتعامل علي اساسه.
فيه كلمه بيقولها وهي ان أنا بتأسف علي اللي حصل لمامته وهو بيقول it's in the past واتكلمنا فالنقطه دي الجزء اللي فات وقولنا انه للاسف اي مجروح من الماضي بيفتكر ان الوقت قادر يعالج وينسي بس الموضوع محتاج مجهود اكبر انه تعالج الجروح دي وتطهرها مش بس تقفلها علي وساخاتها
-No rules, no punishment
=No rules, no.punishment and no more secrets.
ايه اللي هيحصل لو احتاجت ده 'الادمان' تاني. أنا بنسأل
كريستيان بيقول عظمه (انا محتاجك اكتر.)
محتاج"الحب.الحقيقه.المشاركه.التعافي" اكتر
كريستيان بيدي العربيه واللاب لأنا اللي كان جايبهم قبل كدا وموبايل جديد وهيصه..
فيه بقي خازوف مغري كدا بيطلع بعد العظمه دي بنت كدا مش مفهومه. ظهرت فأول تتر الفيلم وظهرت تاني دلوقتي االلي هو في ايه حضرتك انتي جايه تخوفينا وتمشي طيب. الشئ الوحيد اللي هيلفت نظرك انها شبه أنا. غير كدا انت مش هتعرف تفهم مين الحلوه.
انا اسف بس أنا ف اول اليوم كانت لابسه بالطو جملي جوخ فوق الفستان وروحت البيت من غيره هل يا تري نسيته فالمعرض بتاع صاحبها؟ ولا فالمطعم؟ ولا ف عربية كريستيان؟ (تفاصيل addict)😂
أنا بتروح شغلها وبتقضي يومها وفيه تفاصيل كتير مش لازم نخوض فيها الا ان في حاجه مهمه حصلت أنا لما طلعت من الشغل لقت الخازوق اللي قلنا عليه وفعلا البنت دي شبهها اوي بشكل غريب يعني. ولافه ايديها ب بلاستر كدا ونادت أنا باسمها وبعد كدا ركزت وقالتلها معلش مفيش حاجه.. برضه كل ده احنا مش فاهمين انتي مين يا حجه ولا عايزه ايه!
أنا و كريستيان بيعملوا اول سكس بعد ما رجعوا مع ان كانت أنا بتقول walk before we run بعني بس ما علينا دول عالم معفنه هرموناتهم ضاربه..
في كارثه بقي بتحصل بعد ما بيناموا ان أنا بتقلق ف نص نومها كدا وتفتح عينها ف تشوف البنت اللي اتكلمنها عنها اللي الخازوق دي وبعد كدا يتختفي.. اول مره شوفت الفيلم.انا قولت باااس أنا عندها وساوي بصريه وهو مدمن جنس اشطا علي ميكس الامراض العظمه. ما علينا نكمل.
العصفورين بيصحوا من النوم وأنا بترجعله الشيك اللي كان كاتبهولها عشان العربيه بتاعتها اللي باعها لما جابلها عربيه جديده وكدا و بنكتشف ان كريستيان معاه الاكاونت البنكي بتاع أنا مع انها مدتلهوش او مش بسهوله يوصله يعني وفالجرء الاول عرف مكان شغلها.. اللي هو حضرتك مكشوف عنك الحجاب طيب؟ .. نكمل
أنا وكريستيان بينزلوا يفطروا وأنا بتشوف البنت الخازوق دي مره كمان وبتحكي لكريستيان بقي انها شافتها وعارفه اسمها ورابطه ايديها. وكريستيان وشه اتقلب.. اممممم.. كريستيان يعرفها. ادي اول بلوه.
تاني بلوه بعدها بثانيه. كريستيان مبيتكلمش ف موضوع البنت دي وبيروح ب أنا ل mrs. Robinson لو فاكرنها!
طبعا أنا اكتشفت انه بياخد رأيها يعني او بيستأذنها ايا كان أنا اكيد شافت انت موديني للست اللي دمرت حياتك ليه يعني.. هما بيروحوا البيت وبيتناقشوا فالبلوتين دول
ركزوا معايا اوي
اول بلوه. البنت الخازوق.
كريستيان بيوريها ملف فيه كل المعلومات عن "لينا" بنت من ال 15 اللي ارتبط بيهم غالبا اخر واحده قبل أنا يعني. لينا حبت كريستيان وكانت عايزه اكتر من sex relationship بس كريستيان محبش ده بعد عنها ولينا دي راحت اتجوزت وخلاص كل تمام. لينا بعد كدا جوزها مات ف حادثة عربيه. وحاولت ترجع لكريستسان لدرجة انها راحتله البيت بس هو مكانش موجود وقطعت شرايينها قدام ال house keeper بتاعة كريستيان.
انا هتكلم شويه هنا ف ركزوا. الحادثه دي حصلت لما كريستيان وأنا كانوا بيتفسحوا عند مامة أنا والحوار بتاع what are you afraid of وقولت ان الحوار ده بةلو كان كمل كانت كل مشاكل كريستيان هتتحل وهو فجأه جاله تليفون وسافر بسرعه. تاني يوم بالليل أنا رجعت البيت لكريستيان وده اليوم اللي سابوا بعض فيه لما كريستيان قالها am fifty shades of fucked up وضربها ب حزام 6 مرات وكل اللغبطه دي. طيب
دلوفتي شخص ماضيه الحمدلله مفهوش حاجه سليمه. اتعرض اخيرا إنه يشوف قد ايه اللي بيعمله ممكن يأذي البشر لدرجك ان واحده ممكن تنهي حياتها بسببه. غير انه ف relationship مع أنا هو مش فاهم هو فين ولا هيتغير ولا لأ. تخيلوا بقي مطحنة جلد الذات اللي جواه. انا برضه. استغربت من عصبية كريستيان الاوفر في اخر مشهد فالجزء اباول بس للرجوع بقي للي بيحصل دلوقتي واللي عملته لينا ده انا ممكن انتحر لو مكانه ان حد هيقتل نفسه بسببي بجانب ان اللي بيحبني وبحبه معايا هنا جنبي عالسرير ومش قادر حتي أقوله انا قد ايه تعبان وقد ايه انا مضغوط وملغبط وقد ايه انا مذنب وقاسي ومفتري. بس ينني اهه كانت غُمه الحمدلله وراحت بس كانت عبقريه من الكاتب والمخرج انهم يربطوا الحدثين بالشكل ده.
البلوه التانيه..Mrs.Robinson
أنا بعد كل الكلام عن لينا دي ربنا،يشفيها ويعافيها والبت مطلعتش خازوق ولا حاجه ده كريستيان هو اللي طلع. بس المهم يعني أنا سألت هل هي كمان ليها ملف زي ده.. مفاجأه اه. الملف ده بقي فيه شغلها واكاونت البنك بتاعها. كل التفاصيل عن حياتها واهلها وصحابها!. واديني عرفنا هو ازاي كريستيان عرف كل المعلومات دي عن أنا بسرعه كدا.
طبعا انا معترضه انها كانت متراقبه بالشكل زيها زي اي واحده تانيه. اللي اتكلمنا عنه قبل كدا الشك بإني شخص عادي ومش مميز واني مش انا البطل اللي هعالجه
بس كريستيان بيفهم ده وبيقولها اننا مكنتش اعرف انك هتكوني مختلفه عنهم
أنا بقي بتقوله هو انا مختلفه؟؟ .. عشان كدا ودتني لست كوخه بتاعتك دي عشان تقولك انفع ولا لا ؟
كريستيان بيعتذر انه غلط..وحقيقي استغربت اللي هو معاندش ومكابرش هو لسه متعلق بطرق الماضي بس بيتغير والاحلي انه متقبل ده هو مش ف ثانيه هيبقي واحد تاني بس اهه بيظبط الدنيا واحده واحده.
أنا بتشتكي من حاجه اكبر و دي بصراحه خوفتني من العلاقه كلها. أنا قالت: انت حطيت فلوس في الاكاونت بتاعي وانا مش محتاجاها اشتريت دار النشر اللي بشتغل فيها. دي مش علاقه ده حب تملك. انا بحاول افهمك. بس ده صعب اوي وانت لسه بتكمل ف طرقك القديمه وصعب كمان وانت لسه مش عايزني ألمسك.
كريستيان بيبصلها كدا اللي هو بصي. انا هستغني. هضحي.
كان حد قاللي ف مره ان الحب بالنسبه للراجل هو التضحيه once انه قادر او عنده استعداد يضحي. يبقي هو بيحب.
قلع قميصه وخلاها تمسك قلم روچ وترسم مستطيل كدا من اول صدره فوق لحد اول معدته من تحت. وقالها دي حدودك . انا كلي بتاعك. طبعا رومانسيه مفرطه ف انا كلي بتاعك دي بس. خلينا متفقين انه بيضحي.. كريستيان بيضحي. بيستغني عن بيته الضلمه وبيتحرك يمكن موصلش للبيت الجديد بس بيتحرك وبيضحي وبيحب... ومستعد يستقبل حب كمان. فيه رمزيه كبيره اوي عن خوف المدمن هنا انه يسيب كل حاجه حتي لو هيتعلق بحاجه بسيطه اوي من عالمه القديم -الحدود اللي كريستيان خلي أنا ترسمها- بس عالاقل بيتحرك وبيتحرر واللي ميعرفوش انه هييجي وقت وهيستغني عن الحته دي. و ده بيوصلني للنقطه التانيه اللي عايز اتكلم فيها فالمشهد ده وهو الوقت. أنا مقالتلوش لا بقي اشمعنا الحته دي مانعها عني انا عايزاك كلك. أنا فهمت انه عايز وقت. عايز استنراريه وقبول قبل اي حاجه. اي شخص بيتعامل مع المدمن لازم يبقي عارف ان كل حاجه بيضحي بيها هو حرفيا بيقطع من لحمه. ف أديله وقته خليه يستغني عن بيته القديم بالطريقه لللي تريحه.. وخليك مطمن ان طول ما انت موجود هو هيكمل حرب وهينجح. لأنك بتقدم حب وأمان وراحه. وهو مش هيحتاج اكتر من كدا.
اخر نقطه فالمشهد ده هتكلم فيها هي ملامح وش كريستيان وأنا بترسم الحدود اللي قالها عليها. وشه متألم ألم غريب. مش ألم عادي اللي هو موجوع فعلا. لا هو بيتقطع حرفيا ووشه محمر وعينيه مدمعه. ويمكن ده السبب اللي مكانش حد بيلمسه عشانه، الوجع البشع اللي هيحس بيه لما حد يلمسه وعشان هو mr.ego مش هيقدر بسهوله يفسر او يشرح ده لأنه بيمثل دايما انه قوي وانه 'مهيمن' وانه قادر يعمل اي حاجه. بس هو خلي أنا تكشف السر ده. تعرف ألمه و أوجاعه. بان ضعيف ومكسور ومتألم قدامها ومهموش ماسكاته اللي بتقع. هو اللي هامُه الحقيقه وانه يديها كل اللي *يقدر* عليه. ويمكن دي اللي خلي أنا متطلبش اكتر لأن كريستيان قدم كل اللي يقدر عليه -في الوقت ده-
ومره كمان الكاتب بيبهرنا بالرمزيه العظيمه ف روايته. اي مدمن مش هيسيب اوجاعه مكشوفه هيخبيها هيحارب حرفيا عشان متبانش عشان هو مصدق ف انها وحشه جدا علي انها تتشاف او تتقبل وانه هيفضل يتعاقب عليها عمره كله. بس بيجي حد تمشي معاه رحله صعبه وطويله بس هنعرف فيها ازاي نتنازل عن تكبرنا وازاي نتنازل عن ماسكاتنا وازاي نبان ضعفا ومتألمين بس بالحب اللي بنشاركه هنكون اقوي من اي وقت فات ومن اي حاجه ف ماضينا. المشهد ده عظيم عظيم عظيم وشوفوه كذا مره ورا بعض كدا هتحسو قد ايه هو غني.
تمام خلصنا دراما. كريستيان وأنا بيروحوا حفلة عظيمه كدا بابا وماما كريستيان عاملينها هي حفلة تبرعات لدور الايتام بما ان كريستيان اللي هو بقي واحد من ولادهم كان ف دار ايتام وعرفوا قد ايه الحياه هناك صعبه ومؤلمه. فيه تفاصيل كتير في الحفله مش هتخدمنا اوي خلينا نعديها.
Mrs.Robinson بتقابل أنا لأول مره
بتقولها مسم.. كريستيان بقي عنده date.. كان نفسي اشوفك.
أنا بتقولها والله يا حبيبتي كان نفسي اقولك نفس الجمله بس انا مش طايقه اهلك. انا عارفه البلوه اللي عملتيها مع كريستيان. واللي هو جرا ايه يا عقربه مالك ما تتهدي احنا متلصمين اصلا.
ست كوخه بتقولها انا معملتش حاجه غير اننا ورتله حقيقته اللي هو كان عليها اصلا ومن غيري كان هيبقي في السجن او ميت..
وبما انه قعد مع الرقاصه دي 6 سنين يتعامل معاها بشكل عميق جدا ف هي اللي زرعت جواه الحقيقه دي وان هو كدا وهيفضل كدا ومش هيتغير. هو dominant.
Thats the way iam. Am fifty shades of fucked up
زي ما كريستيان قال فالجزء الاول.
ست كوخه بتكمل بتقولها انتي فاكره انك هتغيريه؟ كريستيان محتاج submissive فالحياه مش بس فالسرير. لو تفتكروا مقارنتنا فالجزء الاول بين السادي والمهيمن وده اللي بيأكد كلامنا عن كريستيان انه مش بس فالسرير هو عنده جنون السيطره في كل حاجه
-عنده داء السيطره بصوت الاستاذه شيرين في الخلفيه-
انا بتفحمها ويتقولها والله يا حبيبتي واحده زيك عمرها ما هتقهم اللي احنا فيه او بنعمله. ف اطلعي منها يا حربايه.
من اهم تفاصيل الحفله برضه في نقط.
راجل مجهول بياخد صوره بشكل خفي لعيلة كريستيان!
أنا بتشوف صوره لمامة كريستيان ف اوضته القديمه! اللطيف جدا ان أنا قالتله ممكن تقول انك مش عايز تتكلم عنها ف كريستيان قال لا مش عايز اتكلم. ونصيحه كمان. خلوا اي مناقشه بسيطه. مريحه. لو هتفيد الطرفين ياريت لو لا يبقي بلاش. وكالعاده أنا نموذج للطرف المعالج ببراعه علي تفهمها وحكمتها وراحتها.
طبعا كريستيان عرف ان انا اتكلمت مع ست كوخا واترعب لحسن تكون قالتلها حاجه تبعدها عنه. بس أنا طمنته برضه انها مقالتش حاجه هي مش عارفاها من الاول. وجمله فعلا مرعبه اللي هو ايوه انتي عرفاني ف هتفضلي ولا انتي يتفكري تاني فيا ولا ايه!
كريستيان وأنا بيروحو البيت بيلاقوا عربية أنا اللي مركونه ف جراج كريستيان اللي عليه حراسات مرعبه ده متدمره. مكبوب عليها دهان ومضروبه من كل حته. واللي هو المصائب لا تأتي مفرده بقي بالمره. استغربت من رد كريستيان فعلا انه فجأه خاف واخد أنا بسرعه ركبها عربيه تانيه. انت متخيل مثلا لو الموقف ده حصل لكريستيان لوحده هيبقي متلهف جدا للانتقام وهاتولي بقي ولاد الكلب دول. بس كريستيان خايف؟؟؟ متوتر! عايز امان. عايز يحافظ عليها؟ تغيير!!.
كريستيان وأنا عشان يكونوا في امان قدر المستطاع راحوا للمركب بتاعته وباتوا هناك وهما بياخدوا شاور أنا بتطلب من كريستيان انها تمسح الروچ اللي رسمته الصبح لحدوده. ولما شافته متألم حزنت جدا وقالت وهي بتعيط هما دول حروق؟ مين قدر يعمل فيك كدا. مع ذكر ان الراجل اللي ف اول الفيلم خالص كان ماسك سيجاره وهو بيشد كريستيان. سيناريو مرعب اتكون ف دماغك. كريستيان بيقولها ان ده خلص ده في الماضي. زي ما دايما بيقول. أنا قالت كلمتين صاعقين وارجوكوا اتعلموا من القمر ده. "انا عارفه قد ايه صعب انك تتكاكلم وتفتح عن اسرارك دي وتقولي الحاجات دي. بس ده معناه ضخم بالنسبالي. ده معناه انك بتحبني." "ايوه انا بحبك" ويللا كل واحد يجيب مناديله بقي.
لما صحيوا انا وكريستيان بيعملوا كونفرزيشن اصعب من دي وبيحكيلها اكتر عن مامته
"بحاول مفتكرهاش"
"ماتت ازاي؟"
"اوڤر دوس. ماتت. بلغوا عن الجثه بعد ما ماتت ب 3 ايام. انا كنت معاها"
ثانيه واحده انتوا متخيلين. طفل عنده 5 6 سنين قاعد مع جثه. الجثه دي امه. 3 ايام من غير اي رعايه من غير كلام. غالبا من غير اكل وشرب . "بلغوا عن الجثه. راحوا المستشفي. مامته اللي بالتبني شافته هناك وودته لدار ايتام ورجعت اخدته بعد فتره.
"شكرا عشان قلتلي"
تخيلوا ان ممكن تكون كل امراض كريستيان علاجها الكام ثانيه دول. انه بس يقول لحد عن وجعه. ويلاقي حب بعده. ليس اكثر ولا اقل. والحياه قاسيه فعلا انها متوفرلناش ده دايما. بس ياريت منبطلش ندور عليه.
كريستيان وانا بيشوفوا بيت بعيد كدا بيبص عالبحر وخليكوا فاكرينه.
كريستيان بيسأل انا فوق عايزه تسوق المركب. وبيعلمها وأنا بتقول جمله حسيتها علقت ف ودني.
"am the captain"
انا الكابتن واكمني عميق فورتيكا فاللي هو أنا مبقتش كابتن المركب. بقت كابتن حياة كريستيان كمان بتظبطها وبتسوقها ف اتجاهها الصح.
الاحداث بتجري شويه وأنا بتروح لكريستيان وبتدخل ال red room لوحدها مش خايفه او بتفتكر اي زكريات حزينه. وبعد ما كريستيان وعملوا شوبنج من الريد رووم وراحوا اوضتهم عشان يتبسطوا (lol) حسيت كدا ان ال red room رجعت مكانها الطبيعي. مجرد وسيله للاستمتاع.
الاحداث بتجري شويه وف يوم مدير أنا بيعتدي عليها وأنا نزلت تجري لقت كريستيان في وشها وقالتله. البودي جارد بتاع كريستيان طلع يتصرف مع المهزأ ده ويجيب حاجة العروسه وكريستيان بعلاقاته. هوب مدير أنا اترفد و ف نفس المناقسه كريستيان بيطلب من أنا تعزل عنده البيت. تعيش معاه و*تنااام* هنا؟؟؟.. اللي كان كاره مامته تزوره. بقي عايز حد معاه. ثانيه واحده
كريستيان داخل ف ليڤل عالي من التعافي وهو العلاج ذاته. بعد ما اكتشفه وصدق فيه وحاول وفشل وحاول تاني هو بقي عايز اكتر. هو اللي بي need more دلوقتي. هو اللي عايز اكتر. عايز يعيش. عايز يحس. وكأنه بيكافئ نفسه بعد كل التعب ده. استغل الفرصه ولقي الحب. وغرق فيه. وقبَل العلاج. وبقي محتاجه مش مجرد اشارات واحداث.
أنا تاني يوم بعد ما الحاج ده اترفد بقت تعتبر هي المعكوكه عشان كانت السكرتيره بتاعته ف كل الدنيا المترتبه اتقلبت فجأه و حضرت مكانه اجتماع مهم مع رؤساء دور نشر تانيين واثبتت كفائه وافكار جديده مميزه جدا و اتفقوا يدوها دور مدير النشر مؤقتا لحد ما يعينوا حد. حياة أنا بتتحسن جدا وعايشين عيشه فل. ولكن هل ستطيب الحياه. خازوق مغري في الطريق إليكي عزيزتي طازه وبسمسم .الاحداث بتجري اكتر لحد ما نوصل ان أنا كانت مع كريستيان في العربيه وعدوا علي بيتها عشان تجيب شوية حاجات من بيتها لأنها هتقعد هناك وكريستيان مطلعش معاها. أنا داخله البيت وبتبص وراها لقت مين؟ .. لينا.. فاكرنها؟ .. القطقوطه الغامضه اللي بتظهر وتختفي زي فول الصين العظيم كدا.. لينا ماسكه مسدس موجهاه ناحية أنا.. بعد حوار مش مفيد اوي هانا هددت أنا بأول رصاصه في الحيطه..كريستيان طلع.. لقي الاكس بتهدد اغلي حاجه ف حياته بالقتل بعد ما قطعوا شوت كبير جدا مع بعض..كريستيان بيبص لهانا وبس بيأشرلها يعينيه انها توجه المسدس ف بلا اي اراده لينا بتوجه المسدس وكريستيان بياخد المسدس يحطه ف جيبه. ويقولها اركعي. بتركع وكريستيان يطبطب علي راسها !!!!!. كريستيان بيقول لأنا تنزل وطبعا مصعوقه. أنا مبتركبش العربيه وبتمشي لوحدها.
بااااس ثانيه بقي.
لو فاكرين كلامنا في الجزء الاول عن الفرق بين السادي والمهيمن. وقولنا ان السادي هو control freak محتاج يطبق السيطره والساديه علي كل حاجه مش بس ف ممارساته الجنسيه.. ازاي واحده جواها غضب عملاق وصلها انها هتقتل حد الغضب ده يحتفي بمجرد انها تشوف شخص.. ازاي صدقت فيه كسادي ومهيمن علي حياتها لدرجة ان امنية حياتها بس ان يطبطب علي راسها زي *اسف* الكلب. ازاي قدر يحول البركان ده ل ميا بارده من غير ولا كلمه وبس بسيطرة عينيه. لو هتشوفوا الفيلم ارجوكوا ركزوا. ركزوا عينيه بتأمر ازاي. ايه الجبروت والقسوه دي!!. بعد ثورة غصب وتهديد بالقتل البنت دي بتركع ؟؟؟؟!!! وكأنها بتاخد منه سبب للحياه حتي لو السبب ده اني احس اني تحت رحمتك!!! ... الاحتياج. ومعنديش اي اجابه تانيه. الاحتياج بيخلق ناس تعيش عمرها كله مجروحه ومش شبعانه مهما حياتها كانت غنيه ومليانه. الاحتياج بيخلق كل مرض نفسي ممكن تتخيله او عالاقل ليه عامل. الاحتياج بيخليك تخلق اسباب هشه جدا للحياه. بمجرد رحيلها. انت مُت خلاص. الكارثه الاكبر. ان في ناس بتعيش عالناس دي. فرصه متاحه جدا اني اطبق سيطرتي وقوتي وهيمنتي وساديتي اللي اصلها برضه اني مجروح وضعيف وهش من جوا ومعنديش ما يثبت قوتي لنفسي ف بثبتها عليك انت. انت محتاج وانا ضعيف. يللا نبقي ضحيه وجاني. ونكمل علاقه مريضه فله. العلاقات اللي بالشكل ده ف حياتنا كلنا هتلاقي منها اكيد.. العلاقات اللي بالشكل مش بين الحبايب بس.. دي بتوصل لأعمق العلاقات هتلاقي منها في البيت الواحد بين الزوجين. او بين الاباء والاطفال. بين زملاء الدراسه او العمل. بين الجيران والقرايب. والاصعب من كدا ان الطرفين مرضي. ولو مداركهم متوسعتش ولحقوا نفسهم بدري بالعلاج و بالبعد او غيره. انت بتبقي مدمن للدور ده. يعني لو اتخلصت من العلاقه اللي بالأذي ده لسبب او لاخر متفتكرش انك خفيت. لا انت هتدور علي علاقه تانيه تطبق فيها نفس دورك تاني وتوجع وتتوجع تاني.
انت غالي جدا/ غاليه جدا. مفيش حد زيك او شبهك وتستاهل حد سواء حبيب او صديق او عيله يشوفك معجزه. مش دايما هتبقي بالمثاليه دي. بس كونك عارف انك تستاهل.. انت تستاهل. ده علاج.
طب احنا عرفنا كريستيان حياته عامله ازاي واسبابه. تخيل هانا دي قابلت ايه ف حياتها عشان تبقي بالضعف و الاحتياج ده..
انا طوت اوي في الحته دي بس يمكن ده من اهم المشاعد اللي كمان بتفسرلنا. كريستيان كان قاسي ازاي او (مريض) ازاي وكونه في علاقه عاطفيه واحده وبيطورها دي اشبه بمعجزه!
أنا نزلت من غير موبايلها ولا شنطتها ولا حاجه خالص. نزلت تفكر .. هو ايه ده؟؟.. تخيل كدا الشخص اللي بتشوفه كل يوم يتنام معاه بتاكبةل وتشرب معاه بتحبههه!! بالقسوه دي؟؟ بالجبروت اللي يخليك تسيطر علي واحده ف اقصي مراحل غضبها! اولا. انت مين؟؟. ثانيه. اكيد مع الوقت هيحولني زيها عشان دي مش تصرفات ناس طبيعيه؟ثالثا. بعد كل الحب والتعب ده لسه زي ماهو. رابعا. هو هيحتاج الاسلوب ده من الطاعه في وقت وهيخونيي.. دي حاجات بسيطه من اللي كانت بتدور في عقل أنا بعد الرعب ده.
أهم مشهد في السلسله كلها:
كريستيان بيحاول يوصلها بلغ البوليس بما ان معهاش شنطتها حتي.. أنا رجعت البيت وهكتب الحوار اللي حصل بالظبط.
كريستيان: كنتي فين. انا قلتلك تروحي عالبيت. انا خليت ناس كتير يدوروا عليكي
أنا: انا اسفه اني مش دايما بعمل للي بتقول عليه.. يمكن انت محتاج شخص يطيع في كل حاجه!
كريستيان: متبقيش مغفله
أنا: انا شوفتك يا كريستيان. انا شفت الطريقه اللي اتعاملت بيها مع لينا.
كريستيان: دي كان معاها مسدس! انا كنت ممكن اعمل اي حاجه عشان اوقفها
أنا: هي فين دلوقتي. هي هنا؟
كريستيان: اكيد لا هي ف مصحه نفسيه بتاخد المساعده اللي محتاجلها. بصي انا عارفك انها خوفتك...
أنا: ايوه هي خوفتني. بس انت خوفتني اكتر. لما اشوفك كدا معاها؟؟. انا عمري ما هبقي قادره ابدا اديك النوع ده من الهيمنه والطاعه.
كريستيان(حس بخطر) : أنا...
أنا: انا محتاجه مساحه.
**كريستيان: متسبنيش.. متتخليش عني
أنا: انا بس عايزه افكر
كريستيان بيسجد لأنا بنفس الطريقه اللي لينا سجدتله بيها. واللي سجدت بيها كل بنت عرفها كريستيان ليه. كريستيان ببساطه بيقدم نفسه كامل بالطريقه اللي يعرفها. زي ما خلي أنا تعمل فالجزء الاول وتقول am yours .. كريستيان بيحب. و خلينا متفقين ان الحب بيخليك ضعيف! .. بس مع الطرف الصحيح انت قوي جدا وماسك الهوا بإيديا علي رأي العندليب.
أنا: انت بتعمل ايه! اقف!!
أنا بتوطيله.. انت بتعمل ايه. بصلي.
كريستيان وشه في اللحظه دي محتاج يتدرس . ازاي اللي كان قوي وقادر يتحكم بعينه بس ف انسانه وافعالها. دلوقتي مستسلم وخاضع. بس للحب! .
أنا: انا خايفه. انا عارفه انك قلت انا كفايه. بس في حاجات انت اتعودت تاخدها انا عمري ابدا ما هعرف ادهالك. و ده ممكن يكون تمام دلوقتي. بس ايه اللي هيحصل لما تحتاجهم تاني!
***كريستيان: انا مش هعوزهم تاني (طلع برا الدايره)
أنا: اشعرفك؟؟ ازاي قادر تثق ف ده.. انا حتي مش فاهمه انت ليه عايز تبقي مهيمن؟
كريستيان : انا مش مهيمن (بوووووم).. الكلمه الصح انا سادي (بوووووم تاني). انا بحب اعاقب الستات... الستات اللي زي..
أنا: زي مامتك!!!!!!
كريستيان: ايوه وانا عارف ازاي ده بشع.
لما مشيتي انا اقسمت اننا هوقف كل ده لو ده هيرجعك. بس انا انتهيت من ده. انتي اغلي من اي حاجه تانيه..
أنا: انا عايزه اصدقك. بس...
كريستيان بياخد ايد أنا وبيحطها علي صدره. مكان الحروق والالم والجروح..المنطقه الوحيده الممنوعه!
كريستيان: ده انا.. كُلي!
يللا نعيط كلنا..
نقف بقي ونتكلم.
لما كريستيان عاش طفوله بشعه زي اللي حكناها. راح دار ايتام قابل فيه ابشع انواع المعامله ولما ربنا فرجها عليه وعيله كويسه اتبنته. صاحبة مامته استغلته من وهو عنده 15 سنه خليته مدمن جنس. شخصيته اتكونت من ابشع ذكرياته مع المتعه اللي لقاها في المراهقه وطلعوا حاجه جديده في منتهي الغضب والخوف والاحتياااج. هو نمقها وذوقها وحط عليها طبقات فوق طبقات وكل حد ييجي يزود طبقه ويخليه يصدق ف نفسه انه كدا تمام انت زي الفل. وطبعا مع عدم المشاركه حتي مع اهله. وصل لأبشع مرحلة ممكن يوصلها المدمن. (that's the way iam) التصديق ف ان دي حقيقته.المرض اعماقه الحقيقيه شخصيه عايزه تشوف الالم ف كل عين شبه مامته. يبقي ده مكانش tybe كريستيان!! كل البنات دي كانت شبه مامته مش اكتر. وعايز يشوف الالم في كل واحده. وكان عمره ما هيشبع ولا غضبه هيخلص. الا لو كان حد حبه!! من الالم الحب..وكان مقدر لأنا انها تعيش نفس التجربه ونفس الالم بس يمكن أنا عشان 1 ناضجه 2 شجاعه . أدت الحقيقه واخدت كمان الحقيقه بأبشع صورها زي ما شفنا فالجزء الاول ف اخر مشهد. بس الحب قوي. و علي قد الضعف والاستسلام اللي بنبقي غرقانين فيه واحنا بنحب. علي قد ما لازم نبقي ناضجين وواعيين لكل خطوه. وكل سر وكل حب بديه للطرف التاني. لما كريستيان حط ايد أنا علي صدره دي كانت رمزيه عبقريه علي ان حتي الالم والحروق والجروح مسموحلك تلمسيها وتتعاملي معاها.. حتي الجروح اللي عدي عليها سنييين.. حتي الجروح اللي انتي نفسك اتأذيتي منها. Am all yours .. كريستيان لأول مره ف حياته بجد حتي بعد ما عرف أنا يبقي فاضي وطفله الداخلي يتحرر.. هو طلع ابشع حاجه جواه وأنا بالحب فهمت!!
يمكن حياتنا احنا ميبقاش فيها نفس الحظ او القدر اللي يخلينا نلاقي التعافي والحب مع بعض لأن دي اجمل حاجه ممكن تحصل في الدنيا. بس حبنا لنفسنا يقدر يعمل كدا اكيد.. اتمني يعني :) ...
أنا وكريستيان ما إلا مجرد رمزيه لرحلة تعافي كامله ومتمثله ف ابهي صورها.. الموضوع بيبقي اصعب واقسي من كدا كتير جدا.. الادمان هو حرب انت لوحدك الطرفين وانت نفسك ساحة المعركه. هي حرب نفسك لنفسك في نفسك.. وانك تلاقي حد يدخل يحاري معاك علي حياتك.. دي معجزه جميله اوي .
بعد كدا بقي طلعوا يناموا .. وكريستيان طلب من أنا انه يتجوزها .. وأنا بتقبل بس كتبت yes ف ميداليه وادتهاله عشان عيد ميلاده. واكمن لا نهايه للخوازيق.
كريستيان كان مسافر قبل عيد مسلاده بيوم وطيارته عطلت ووقع بيها والواد مفقود...
طبعا كريستيان هيرجع وهيركع ويجبلها يروميس رينج ونيني وكل الرومانسيه دي .. بس عايز اطلع بحاجه من المشهد ده.. اوعي تضمن.. الضمان مريح ولازم تحطه ف حياتك مع اللي بتحبهم عشان متفضلش عايش بواجس رحيلهم لان ده كدا كدا محتوم هما مش هيخللوا جنبك!! الفكره بس ف انك متضمنش وجوده ف تنساه.. احنا عباره عن طاقات.. حاول دايما تفكر نفسك ان لو مره ضمانك خلاك تيجي عاللي بيحبك انت كدا ف سكه غلط. لأن عنده كامل الحق والحريه انه يمشي!
اخر مشهد هذكره ان Mrs. Ribinaon بتظهر ف عيد مسلاد كريستيان بعد ما أعلن ان أنا وافقت لي عرض جوازه وتسقيف واحضان ولولولي. وبتقول لأنا انتي مش هتعرفي تكملي انتي بتستغليه وانا هتأكد اني اخليه يعرف ده.. أنا بتكب الواين ف وش ست كوخه وانبي خساره ف خلقتها. وكريستيان بييجي ويقولها "you taught me how to fuck. Anna taught me how to love "
عظيييم
مامة كريستيان بتيجي وسمعت اللي كريستيان قاله ويتظرف ست كوخه قلم محترم كدا وبتقولها اطلعي برا وسيبي ولادي ف حالهم.. وهتحس بسعاده فظيعه كدا بعد القلم االي طرقع علي خد ست كوخه 😅
اخيرا وليس اخرا اتمني اكون وضحت كل اللي حابب اقوله...قولولي ارائكوا انتوا كمان 💜
تعليقات
إرسال تعليق