تحليل fifty shades of grey (2015)
سامو عليكو..
المره دي هبعد عن كل الغموض والاسرار والجماعات وكل ده وهتكلم عن حاجه بعيده جدا رغم اننا شايف ان فأعماقهم بترحع لمبدأ الظاهر دايما كداب.. المهم انا مش هعمل مقدمات ولا ال susbance بتاع كل مره ده.. بصراحه مطلقه انا هتكلم عن سلسلة افلام fifty shades ..
للي اتفرج عليها اتمني تكمل قرايه وتفهم ليه هتكلم عن الفيلم ده.. للي متفرجش، الفيلم بيحكي عن واحد submissive ولما بيحب واحده بيتغير بس اللي شهر الفيلم ده ان ال nuding shoots و ال sex show فيه كتير اوي تقريبا واخده نص الفيلم.. قبل ما نبتدي بس انا هتكلم عن اصغر التفاصيل واعرف معناها الأكبر ف ركزوا 💛 ..
الفيلم بيبدأ بأغنيه من اقرب الاغاني لقلبي بشكل شخصي هي i put a spell on you.. بسهوله نفهم الاغنيه بتتكلم ان قد ايه الحب شئ مسيطر زي اللعنه كأنه بيغيبك عن الوعي .. كل مره بتكلم عن شعور الحب بيفكرني بمشهد ف فيلم the fault in our stars لما البنت دي قالت انها وقعت ف حبه زي النوم براحه شويه شويه ومره واحده بتنعس.. بس انا شايف ان الاغنيه ممكن يكون ليها رمزيه تاتيه وهي فعلا تعويذه.. سيطرة الشر.. سيطرة الخطيه للي مآمنين في الله.. فالاغنيه بتقول ان فيه هنا شر مسيطر.. فبه حد مبسوط بالشر اللي مدمر حياة بني ادم. بعدها بيظهرم christian البطل فالسلسله عشان مرغيش هو شاب عنده 27 سنه كون امبراطوريه حرفيا من شركاته اللي مهتمه بمجالات التكنولوجيا ف US و ليه نشاطات تانيه كتير اهمها حملات جمع تبرعات للمجاعات ف افريقيا. شاب يعني كلنا بنحلم نعيش ربع حياته.. نجاح باهر ف كل مجالات حياته.
نرجع للتفاصيل.. في shot كدا غريبه بالذات بما اننا ف اول الفيلم يعني اللي بيتفرج بيركز، ف ليه المخرج يجيب 5 6 ثواني صورة الكرافته اللي بينقيها كريس.. لونها رصاصي باترن ممل اوي.. يمكن عايز يفسر ان حياته معتاده علي عكس الظاهر شاب ناجح حماسي عنده حياه مفيش احلي منها..ويمكن ركز عليها عشان كان قصده حاجه تانيه هنفهمها قدام..
بعد كدا بتظهر Anastasia .. Ana .. أنا طالبه جامعيه برضه هاديه جدا اقرب للملل.. دراسه وشغل وعايشه مع واحده صاحبتها
خلينا نجري الاحداث شويه.. أنا وكريستيان بيتقابلوا عشان أنا تعمل معاه مقابله للجامعه بتاعتها اللي بالصدفه هيحضر حفلة تخرجها و تطلع أنا ال tybe بتاع christian يعني عجبه فيها شكلها ولا اكثر. عالاقل للوهله الاولي..
بعد كدا كريستيان بيروح ل أنا المحل اللي بتشتغل فيه وهنعرف فالجزء التاني ازاي عرف شغلها وف اليوم ده اتفقوا انهم هيتقابلوا تاني يوم عشان يتصور للقاء اللي عملته (خليكوا فاكرين انه وهو بيتصور الفوتوغرافر كان بيقوله حاول تضحك وملامح كريستيان بتقول انه مش قادر يضحك اكتر منه مش عايز) وبيعزمها علي morning coffe لحد اللحظه دي السير الطبيعي لأي علاقه.. بس فجأه كريستيان بيسأل أنا سؤال من اهم لقطات الفيلم.. بيسألها كونها رومانسيه او لا وهي بتقوله اه. ف وش كريستيان بيقفل وبيقولها انا مش هنفع ليكي.. فالتحليل النفسي ل لقطه زي دي السؤال الاهم ليه؟. ليه شايف نفسك مش ليها.. ليه شايف نفسك مش جدير بثقة بني ادمه رغم ان معروف عنك ان شغلك ناجح بسبب اهتمامك بالناس وانك معطاء وبتحب تشوفهم فرحانين وناجحين (من اللقاء اللي عملته أنا لكريستيان).. تنويه بس اللطيف جدا فالفيلم انه بيعرضلك كلكيعه كبيييره وانت بتفسر كل لغز فيهم..نكمل.. بعد المورنينج ديت ده كريستيان بيبعت لأنا نسخه اولي من اكتر سلسلة كتب بتحبها كإعتذار انه عشمها يعني وده بيفتح سكة كلام مره تانيه بينهم خلينا نجري شويه بالاحداث.. حصل حاجات كتير المهم ان كريستيان قال لأنا ف لقطه يمكن محدش ياخد باله منها تقريبا انه مش قادر يخليها بعيده.. وف رأيي ف التوقيت ده بشخصية كريستيان كان محن رجاله مش اكتر لأنه واحد زي ده هيلاقي مليون بني ادمه نفسها بس تقف تتكلم معاه خمس دقايق مش تبات معاه.. هو بيقولها انه عايز يسيبها عشان ذوقه متفرد جدا ومعقد وان مش سهل حد يقبله.. فالمشهد ده بيعرض مشكلتين للاسف عكس بعض تماما وتعتبر دوامه نفسيه ملهاش اخر.. ال ego العالي وجلد الذات الكبير وللاسف الاتنين لو اتوجدوا ف بني ادم واحد مش بيعرف يطلع منهم وبيدمروا حياته حرفيا ومبيبقاش ليه اي مرجعيه ف قراراته ومفيش صوت واضح لعقله وده اللي هيبقي واضح جدا ف اخر الفيلم. المهم
أنا بتروح لكريستيان الشقه وبيوريها السر بتاعه (ذوقه الفريد المعقد) .. ال play room .. فيه حته مهمه جدا هنا انه قبل ما يدخلها ال play room بيقولها انها لو مرتاحتش ممكن تمشي ف اي وقت ودي حاجه مهمه انه ناضج وعارف انه اه مسيطر بس عاللي يوافق هو مش متحرش او مغتصب مع العلم ان أنا كانت ماضيه ورق انها مش هتقول اي حاجه لأي حد عنهم عشان منقولش خايف من الفضيحه مثلا.. المهم كريستيان طلع dominant يعني مهيمن يعني سادي... لو محدش فهم كل الالفاظ دي.. الساديه فالجنس مبتتصنفش ك مرض نفسي ابدا لكن ف حالة كريستيان الكاتب كان حرفيا بيعمل عظمه ف انه يوضح ازاي الساديه ممكن تكون نتيجه اصلا لمرض او امراض خاصة في الطفوله.. طبعا واحده ببراءة أنا اللي فالمشهد دي بتقول انها virgin ومكسوفه اصلا لأن ف مجتمUS ال virginity دي حاجه زي روتين الاكل والشرب مش ضروري ابدا تحافظ عليها إلا ف دواير اجتماعيه معينه وصغيره زي الكنيسه المتشدده مثلا والعرب وغيره. نتكلم بقي فالموضوع.. كريستان اللي
1 عمره ما غير قواعده عشان واحده.
2 عمره ما نام جمب حد علي سرير واحد.
ف ثانيه من الزمن محسش بنفسه وهو بيقول لأنا where have you been ودي بالنسبالي اولي مراحل تعافي اي بني ادم.. انه بينبهر بالجزء التاني من العالم بيتفاجئ ان فيه حاجه تانيه غير اللي عاش عمره كله عليها.. المهم أنا و كريستيان بيعملوااول sex وبيقوموا حلوين مبسوطين.. كريستيان لأول مره بينام جنب حد وخليكوا فاكرينها ..
تاني يوم الصبح ده بيحصل حاجه برضه مهمه جدا.. ان مامة كريستيان بتيجي البيت من غير ما كريستيان يعرف ف بتشوف أنا وكان باين عليها كم السعاده اللي علي وشها وده اللي بيبان بإن مامة كريستيان عمرها ما شافته مع بنت قبل كدا و بعدها بثانيه بيقولها ان هو دخل حياته (15) ست قبل كدا.. يعني نقدر نفسره بإدمان علاقات عاطفيه اوررمانسيه او ادمان جنس .. ومع مامته متعرفش عنه حاجه.. يعني نقدر نفسر انه مدمن (وحيييد) عنده عيله واصحاب ونجاحات بالهبل بس وحيد ف مشكلته مش مشارك حد ودي اصعب حاجه بتقابل اي مدمن انه مش مشارك حد يقوله.
كريستيان عنده بقي مبدأ سخيف جدا للاسف بييجي لا اراديا لأي حد ف علاقاته من كتر الخذلان وهو انه يأما تقبلني زي ما انا يأما تمشي انت، لكن انا مش هتغير وده يعتبر عدم نصوج برضه لأن الحب الحقيقي قادر يغير.. بس هو لسه مختبرش حاجه زي دي واصلا مش مصدق فيها، فالاسهل انه يقول لأنا كده. ده نوع العلاقه الوحيد اللي انا بدخله عايزه اهلا وسهلا مش عايزه اتفضلي حضرتك وكأن محصلش حاجه.. نراجع بش عشان منتوهش:
1- كريستيان ناجح جدا ف كل مجالات حياته لكن مدمن جنس او علاقات عاطفيه ومش مشارك حد من عيلته او اصحابه. عنده جلد دات، عنده ego يصل للنرجسيه.
2- أنا بنت جامعيه ممله جدا مستعده تستغني عن كل مبادئها عشان تفضل جمب الراجل الوحيد اللي غالبا حبته رغم شروطه المؤذيه.
المهم الفيلم بيكمل وبتوقفنا حاجه مهمه جدا ان أنا مش غلبانه لا وبتتحداه انها مش هتمضي العقد اللي بينص علي كل شروطه بالسرعه دي او بالسهوله دي وعايزه تختفظ بحريتها لوقت اطول. شخصية أنا القويه مع ادراكها لمشاعرها كان سبب رئيسي ف علاج كريستيان واي مدمن بيحتاج شخص زي ده منطقه ودماغه عاليه وكبيره لكن قادر يستغني عن مبادئه ويجازف عشان يقدم حب كبير للطرف الاخر.
كريستيان وهو بيوصل أنا البيت وقف بالعربيه ف حته فاضيه كدا وملامحه بتاخد شكل جدي ويمكن ندمان او حزين وقالها تعالي ننزل نتكلم.. التعافي بيوضح اكتر انه عايز يتكلم او يشارك مش بس ي have sex مع ال partner بتاعه.. المهم بيتناقشوا ف حاجات وبنطلع من الحوار ده بكام حاجه مهمه كدا:
1 كريستيان بدا يمارس الطريق ده من حياته وهو عنده 15 سنه لما واحده من صحاب مامته بقت his submissive لمدة 6 سنين.
(وده يوضح انه من سن صغير تم استغلاله بطريقه تترجم قد ايه هو مأذي اكتر من كونه مؤذي)
2 بيأكد تاني ان ولا مامته ولا حد من عيلته يعرف الجزء ده من حياته.
3 انا بتقول عالست دي mrs.robinson وخليكوا فاكرين ست الكتكوته دي . وبيوضح انه لحد دلوقتي علي اتصال معاها.
4 كريستيان مقدر قد ايه اللي بيطلبه صعب وبيقول انه حس برضه فالاول قد ايه الموضوع مخيف. نوت صغيره ال body language بتاع أنا مش راضي ابدا عن الحوار ومصممه انه انا بحبك ف ناخد علاقه عاديه زي بقية الناس.
5 كريستيان بيذكر مميزات علاقه زي دي انه حر ومش متقيد بمسئوليات وقرارات لأنه ببساطه القرار الوحيد اللي بياخده هينام معاها امتي.. غير كدا كل واحد ليه حياته وملناش دعوه ببعض.
6 كريستيان بيضغط علي أنا انه بيذكر قد ايه هي مميزه رغم انه ممكن يكون اغلبها بالصدفه زي موضوع مامته والهيلكوبتر اللي ركبتها اول مره معاه مثلا. بس موضوع انه ينام جنبها عالسرير ده حقيقي الحاجه الوحيده اللي تدينا امل ان فيه حاجه بتتغير جواه.
كريستيان بيديها العقد وبيقولها تقراه كويس وبيجبلها لاب جديد هديه وكل الانبهارات الاولي الحلوه دي. بيتمني انها ت say yes وبيفكرنا انه ده نفس التعبير بتاع الجواز ويمكن يكون ل كريستيان بيحمل نفس الاهميه بس أنا لحد دلوقتي مش فاهمه اي حاجه.
أنا بتشكره علي كلامه يعني وده برضه يمكن رساله لأي حد بيقف جمب حد مدمن او بيساعده ف رحلته ان اصعب جزء ف حياة اي مدمن هو المشاركه انه يفتح دوايره المضلمه ويقول اللي جواها من غير ما يتكسف انه يتعري من ماسكاته ويبين قد ايه هو فاشل ومخزي (في نظر نفسه) ف اشكره علي كل خطوه بياخدها حتي لو كلمتين تلاته من حياته السريه.
المخرج كان عبقري ف ان أنا وهي بتقري العقد عقلها بيفتكر كريستيان بيفتكر حبه وطبعا قد ايه ال sex كان لطيف بما ان دي اول تجاربها وقد ايه لطيف انها تبقي ف relationship .. بس ف مقابل ده هي بتقرا كلام صعب اي حد يقبله.. مفهوش غير اهانه وانك بتسلمي حريتك بايدك حتي لو لوقت محدود..
أنا للاسف حبته مفيش مشهد معين يثبت ده لكن رسايلها العشوائيه بتقول انه بيوحشها وانه واحشها طرقه**
العقد اللي هتمضيه أنا مش بس بيحكم حياتها الجنسيه ان ميبقاش ليها علاقه بحد تاني او كدا لا بيتدخل ف حياتها وروتينها كمان.. زي انه ممنوع اي كحوليات ومخدرات وشرط يبقي ليها روتين اكل معين يفيد صحتها وشرط انه فالاسبوع يتحدد يوم او اتنين ال submissive تبقي بتاعة ال dominant حرفيا وطبعا الطاعه الغير مشروطه لأي اوامر يفرضها المهيمن حتي اللمسات اللي بين ال dominant وال submissive لازم المهيمن يدي تصريح واضح ب ده، من نصوص العقد انه كلمة red بتتقال لما ال dominant يوصل المستوي الاقصي لتحمل ال submissive.. انا بتجرب ت google كلمة submissive ونقدر نتوقع قد ايه اللي طلعلها شئ مهين .. يمكن يبان ان العقد فيه ايجابيات كتير زي الالتزام بشريك واحد والاقلاع عن التدخين والكحوليات وغيره.. واللي هقوله دي طبعا مش شبه شروط العقد لكن هي مجرد رمزيه. يمكن ساعات كتير المدمنين نفسهم بيلاحظوا ده بعد رحلة تعافيهم ان ف عز قاع ادمانهم هما بيستفادوا وبيتعلموا حاجات لولا قاعهم ده مكانوش استفادوا حاجه ف حياتهم.
بشكل شخصي سمعتها من اكتر من مدمن انه بيشكر الله جدا علي كل حياته خاصة ادمانه لأنه خلاه الشخص اللي عليه دلوقتي اللي بيبقي عادة قوي وحمول وعطوف جدا ومؤمن وقادر يحس باللي حواليه .. المهم ان انا بتكتبله it was nice knowing you.. ويمكن دي كلمة النهاية ونخلص بس كريستيان بما انه mr.ego مش هيتنازل عن رغباته بسهوله كدا... كريستيان بيضغط اكتر علي نقط ضعفها.. العاطفه من اكبر نقط ضعف الانسان.. والنقطه الوحيده اللي بيتقابل فيها الجسم والعاطفه هي ال sex عشان كدا نقدر نتخيل ان سهل اوي تتسحب ف دوامه زي دي.. وبالمناسبه دي اكتر طرق الشيطان شهره وسهوله فالسيطره عالبشر.. انه يلعب علي عاطفتك ومتعة جسمك مع بعض. أنا وكريستيان بيعملوا تاني sex وبينام جنبها لتاني مره وبيتكلموا.. طبعا ده ضد روتين كريستيان.. هيقولها حاجه من اهم الجمل ف سلسلة الافلام دي.. What are you doing to me.. انتي بتعملي فيا ايه.. التغيير.. لما المدمن يفضل سنين بيدور علي روتين مريح ليه وبيعمل ف نفسه العمايل عشان يتأقلم مع مرضه وييجي حد بأبسط العطايا يشقلب حياته بيخاف وبيهرب، واغلب فشل رحلات التعافي بيرجع للسبب ده. الخوف.. اكتر حاجه بتخوف المدمن انه يتحرك من مكانه.. مفاجأه لمسته من غير ما تاخد اذنه رغم ان هنا الاتنين عارفين ان دي حاجه كبيره وكريستيان سابها .. كريستيان بيرجع تاني للسجن بتاعه مساحة الأمان اللي بناها من سنين.. العقد، سألها سواء مضته او لا وهي بتقول لا ممضتهوش فبيقوم ويسيبها.. الهروب..
من اهم المشاهد فالفيلم اللي جاي ده
أنا بتقول لكريستيان انها عندها مشاكل مع العقد ومحتاجه تتناقش ف شوية بنود وده اللي بيحصل.. مش سهل ابدا علي حد زي كريستيان انه يغير فالقواعد اللي بقالها سنين عشان واحده عجباه.. الا لو هي اكتر من عجباه.. فيه بنود كتير اتشالت من العقد رغم رغبة كريستيان الملحه ف ممارستها.. الاهم بقي ان كريستسان نفسه بيزود بند ان يوم من كل اسبوع يخرجوا ف date خروجه يعني وده الشئ اللي كريستيان عمره ما عمله مع اي واحده .. نقدر نستشف ان كريستيان بيستغني عن قواعده واسسه،وخلينا نحلل ده ان اي مدمن ف اول رحلة تعافيه بعد ما بينبهر او بيدرك ان فيه جنب تاني من الحياه غير ادمانه بيبتدي من غير ما يحس يخسر شوية قواعد حرفيا قواعد.. يعني مدمن المخدرات ممكن يكون من قواعده ان الضرب ده روتين يومي او مدمن الجنس يبقي من قواعده التايب اللي بينام معاه او مثلا مينفعش يعدي يوم خميس او يروح مكان معين يمارس فيه.. اغلب المدمنين غير ان الادمان بيبقي جزء من حياتهم هو بيبقي ليه برنامج.. وقت معين.. مكان معين.. اسلوب معين.. اشخاص معينين.. ساعات حتي لبس او الوان معينه.. بتوصل لاصغر تفصيلات حياتهم.. زي كريستيان عنده برنامج دقيق لإدمانه لدرجة انه وصل ف دقته انه بقي عقد مكتوب فيه كل حاجه بأدق أدق التفاصيل. وكونه بيستغني عن بعضها وبدأ يشوف جانب تاني انه ينفع يخرج ويتفسح مش بس يقعدوا فالبيت يتبسطوا ببعض لا فيه جوانب تانيه.. بالمناسبه الخروج من البيت او الفسحه بشكل عام او انك تشوف الشارع والناس يعتبر من مراحل الاقلاع عن اي ادمان انك تهرب من دايرتك المقفوله السريه وتشوف حاجات غير احتياجاتك.
بتيجي حفلة تخرج أنا، وكريستيان بيطلع يقول ال speach بتاعه طبعا رسميه جدا وجملتين واقلب إلا انه قال حاجه لفتت نظر أنا انه هو نفسه جرب قد ايه الشعور بالجوع وانت صغير ده شئ مؤلم ، وده يخلينا نفهم اكتر ان حياة كريستيان كطفل مكانتش سهله ممكن ده كمان يحددلنا كم المعاناه يعني اطفال كتير تربيتهم مكانتش سليمه اطفال كتير عاشوا حياه صعبه لكن كونك طفل مش لاقي اكل يعني انت تقريبا معندكش عيله او عندك عيله قاسيه لدرجة انها بتجوعك هنفهم كتيير جدا عن طفولة كريستيان قدام شويه.. فالحفله برضه والد أنا بيتعرف علي كريستيان والعلاقه بدأت تاخد شكل معروف اهله واهلها عارفين وعندهم فرصه يخرجوا. فالعلاقه طبيعيه اهه بس متنسوش ان كريستيان لسه متمسك بالعقد (الحق اللي يضمنله الهروب لو خاف/الشئ اللي يبررله عدم اعترافه بالحب/الشئ اللي يبررله انتكاسه لإدماناته/الادمان).
فيه حته تافهه جدا وصغيره جدا بس لفتت نظري ان كريستيان كراجل مشهور يعني الجرايد جات تصور الحفله اللي بيحضرها وواحد من المصورين صوره مع أنا بإذنهم يعني وكريستيان كان بيضحك.. عرف يضحك.. عرف يتبسط.. بقي قادر يوري العالم سعادته.
أنا وكريستيان بيحتفلوا بتخرجها فالبيت وبيجبلها عربيه هديه وكل الحاجات الحلوه دي
أنا بتكلم مامتها بعدها بثانيتين تقريبا ومن غير ما تحس أنا بتعيط وبتخاف وبتحس قد ايه هي مضغوطه.. علي قد ما هي مبسوطه.. هي بتجري مع واحد ناحية المجهول.. ويمكن دي المخاطره اللي بيخاطرها اي حد بيرتبط او بيقرب من مدمن او شخص مأذي بشكل عام انه هيتحمل مراحل تعافيه.. هيحس انه زيه زي اللي قبله وهيحس بعجز غريب ومش بعيد يخاف ويبعد.. الخوف.. الخوف هو اللي بيقتل كل ده.. بيقتل المواجده والمساعدة.. يمكن ساعات الخوف يحرك بني ادم لمصلحته ويمكن عشان كدا انا شايف ان من حقايق الحب القليله لان الحب ميعتبرش له قواعد بس مينفعش نختلف ان الحب للشجعان والشجعان جداا لأن الحب زي ما ممكن يكسبك حياه هو كمان ممكن يخسرك حياه. نكمل
أنا وكريستيان بيعملوا سكس لأول مره فال red room وطبعا شخص حكيم زي كريستيان هيخليها تحب المكان ده جدا لأن المفترض ان حياتهم تقريبا هتبقي فالمكان ده.. السكس كان لطيف.
أنا بتروح تزور عيلة كريستيان معاه عالعشا وبيتعرفوا علي بعض وكل الحاجات الجميله دي.
أنا بتقول ف نص الكلام انها رايحه تزور مامتها بكره وكريستيان مكانش يعرف ف بيتخانقوا وبيقولها بالنص you're mina, all mine بغضب غريب.. التملك.. وده اللي قلناه بخصوص العقد هو مش مجرد شخص عايز يتبسط فالسكس لا هو عايز يمارس سيطرته يثبت لنفسه حاجه ناقصاه.. حاجه وجعاه ..حاجه مدخله جواه (غضب.كراهيه.ضعف.عنف....) هو عايز يتملك بكل قوته عايز يحس ان الطرف التاني بتاعه (ركزوا فالالفاظ) .. ويمكن ده الفرق بين السادي والمهيمن.. السادي ده شخص عايش حياته كدا هو سادي فالشغل فالبيت مع صحابه عايز يشوف الالم ف عينين الناس عايز يوجع الناس زي ما اتوجع وده اللي بيوصل لمراحل قاسيه جدا فالجنس بالاخص.. ساعات ناس لازم تشوف اللي قدامها ينزف او يغمي عليه عشان يوصل لنشوته.. السادي مش لازم يكون راجل ابدا دي ملحوظه.. الساديه كأسلوب حياه ناتجه عن كل المشاعر السلبيه اللي ممكن نتخيلها.. خوف.غضب.قهر.عدم انتماء. عدم توفر الامان. الهروب. الحزن. .. تبعا لمدرسة الجشطلت.. طفولة الانسان بتبقي ابشع من بشعه.. طبعا نضيف ليها الاعتدائات المختلفه، التنمر، وجوده ف دار ايتام او مع ناس مش مؤهله لتربية الاطفال، ولو كمل ف نفس الوسط،فالمراهقه كمان مع البلوغ بتدمر الباقي من عمر الانسان ده.. زي كريستيان.. طفوله بشعه، مراهقه استغلتها واحده صاحبة مامته وزرعت جواه معني ادمان الجنس، نتج شخص ناجح ف كل حاجه ف حياته الا علاقته بنفسه وده خلاه مؤذي، اناني، استغلالي، نرجسي ف بعض الاحيان.. وساعات بيقلب العكس تماما جلد ذات، صغر نفس، هروب من المسىوليات، الكدب، وهكذا.
أنا بتواجهه للمره الالف بأسأله دي ابسط حقوقها
? Why we can't sleep in the same bed
? Why won't you let me touch you
? Why does it have to be like this
بيرد عليها رد اغرب ما يكون.. ان ياريت لو تمضي العقد.. الرجوع لدايرته.. سيبيني انا ف ادماني وتعالي اتأذي معايا زي ما انا اتأذيت.. تعالي صدقي معايا ان مفيش حب.. وده اللي ساعات كتير بيحصل وبنسمعه كتير اوي ان اشخاص بيحاولوا يساعدوا مدمنين يروحوا مسحوبين هما كمان.. كريستيان لسه مصدق ف قواعده لسه مش عايز يهد ارضه الثابته.. بتواجهه أنا تاني وبتقوله انت ليه مهتم اوي بالعقد طالما انا عجباك كدا؟.. كريستيان ببساطه كان ممكن يسمع كلام قلبه وفعلا يلغي العقد ونعيش مبسوطين وكل واحد يحاول يرضي الثاني وخلاص بس الكارثه ان العقل نادرا ما بيتفق مع القلب بغض النظر مين صح ومين غلط.. بس عقله كان خلاص حط برنامج ومش هيغيره انا هأذي بس.. هستغل بس، قلبك ده اتكسر من زمان وانساه خلاص.
I need more, i want more
ده اللي أنا قالته لما وصلت لحيطه سد.. ليه لازم عقد ليه لازم شروط.. ليه مبتحبنيش؟؟؟؟
كريستيان بيرد عليها رد يثبت اللي بقوله ان فعلا عقله اللي بيقود الكونڤرريشن دي ..
عايزه ايه قلوب وورد ؟ دي حاجه مبعرفش اعملها.
اتوقفت هنا ثانيه وفكرت.. ان حتي المجتمع ليه دور ف انه يحط عوائق قدام المتعافي.. الحب للمجتمع بقي دباديب وورد وبوستات عالسوشيال ميديا مليانه مبالغه وزيف ومشاعر مصطنعه .. الاحقر من كدا كمان ان اللي مبيعملش كدا بنواجهه بانه مبيحبش او عالاقل نزمي عليه انه مبيعرفش يعبر... بس ده مش حقيقي.. التعبير عن الحب زي بصمة الصوباع.. مفيش حد بيتشابه مع حد فيها ابدا.. ف ببساطه كريستيان شاف الحب (من نظرة المجتمع السطحيه جدا وطبعا مع الرجوع لمشاكله ورتم حياته السريه والجاد جدا) شاف ان حب ايه وقرف ايه.. انا عايز اتبسط.
Anna, please
It's you that's changing me!
لتاني مره كريستيان بيفتح قبره.. اكتر اوضه ضلمه جواه .. اسراره.. بتسأله عن الندوب اللي ف جسمه سواء كانت حروق او لا.. المشهد ده فيه رمزيه غريبه حقيقي وبديعه. ان مجرد السؤال عن ندوب الشخص بيوجع جدا وكون الشخص بيشارك بجمله حتي، ده انجاز ما بعده انجاز.. لان زي ما قلنا هو بيتعري من كل وشوشه الكدابه ويقف قدامك حرفيا زي كريستيان بكل الندوب والجروح اللي علي جسمه.
قالها i had a rough start in life
برضه ده يخلينا نصدق ان كريستيان علي قد ما بيعاني اه لكنه مدرك ان ده من الماضي وانه مضطر يعديه ويكمل حياته وللاسف يعني ده اللي مدمنين كتير بيفضلوا عمرهم يكدبوا علي نفسهم بيه.. اللي هو انا مثلا قبلت ان خالي اتحرش بيا تمام خلاص انا قابل وممكن كمان يسامحه بس جروحه متتشفبش. معالجش نفسه. عالج اللي بره زي ما جروح كريستيان اتقفلت من برا.. لكن جوا؟.. تعافيك انت لنفسك؟؟؟
نركز بقي عشان المشهد ده.. الفيلم كله فيه.. هكتب اللي حرفيا اتقال
الست اللي ولدتني كانت مدمنه وعاهره ، ماتت وانا عندي اربع سنين ، انا بفتكر حاجات معينه ، حاجات بشعه ، بس انا مش فاكرها هي، ساعات بيتهيألي اننا بشوفها ف أحلامي .
نقف بقي ونتكلم شويه
ف علم نفس الجشطلت اللي بيرجع كل حاجه للطفوله بيقول ان اغلب تكوين الطفل بيتم من 3 ل 5 سنين.. يعني مثلا هواياته ،مستوي ذكائه، طباعه الشخصيه حتي ميوله الجنسيه طبعا مع الرجوع لعوامل الوراثه.
بتقول كمان ان فيه علم كامل اسمه علم نفس الجنين (اللي ذكرته قبل كدا ف موضوع ليوناردو داڤنشي).. بيقول ان ان الجنين بيحس بكل حاجه برا كأنه ناضج بالظبط بالاخص مشاعر الام وبتأثر ف تكوين مخه و كمان ساعات بتأثر علي تكوين جسمه.
بالرجوع للنقط دي.كريستيان عاش اول اربع سنين من حياته مع واحده مدمنة كحوليات ومخدرات يعني جسمها وعقلها مش متزنين اغلب الوقت. نذكر كمان ان دوايرها الاجتماعيه مفتوحه علي ناس مش اسوياء ابدا وعايشه دايما ف خطر وخوف لان ممكن حد ييجي يقتلها،يغتصبها يعمل فيها اي حاجه لو مدفعتش فلوس مثلا، او البوليس يحبسها ف اي وقت. ثانيا عاهره او التعبير الانجليزي الاصح عاهره بالفلوس يعني ، معني كدا ان مش بس هي فاتحه علي دواير اجتماعيه فاسده لا دي الدواير بتوصل لسريرها وبيتها مكان وجود الطفل نفسه، يعني انا دلوقتي هحكي موقف حرفيا جه ف دماغي وانا بتفرج عالحته دي اول مره، الام سكرانه مش حاسه بنفسها اصلا الراجل المجهول ده خلص ممارسته معاها ولقي ولد صغير فالبيت. ممكن يعمل في ايه؟ ابشع حاجات تيجي ف دماغنا اكيد الطفل ده واجهها سواء تحرش او اغتصاب او استغلال من اي نوع اخر حتي لو لفظي.. وفالاخر ده طفل عنده 4 سنين يعني مهما عمل هو معندوش حتي جسم يدافع بيه عن نفسه. نتايج بقي كل اللي عاناه ده طبعا ابسط الحاجات شعور بالذنب، خوف دايم، مرض قلق من الدرجه الاولي، اكيد عاني من اكتئاب ف فتره من حياته، غضب مدفون لمدة سنين لأن المكان اللي سببله الغضب ده اللي هي امه ماتت خلاص ف عمره ما هيطلع ف مكانه الصح، يعني مشروع مريض نفسي من الدرجه الاولي. كونه مدمن جنس ف شبابه ده يمكن احسن الظروف اللي ممكن يوصلها اي انسان لو اتعرض لنفس الظروف ويمكن المخرج عرض الجزء بعد تقريبا ما نص الفيلم خلص عشان يورينا قد ايه احنا ممكن نكون جلادين ونقول عالشخص ده غلط ومؤذي وهو ليه كدا.. بس بالرجوع لأسبابه ممكن يكون احسن واقوي حد فينا.
كل الكلام ده بقي كريستيان قاله وأنا نايمه يعني مسمعتوش.. يخلينا نسأل تاني.. ليه الخوف الرهيب ده من المشاركه؟ ليه خايف.. عشان هو عنده مرجعيه قديمه من اللي سمعه واللي عاشه ان حقيقته بشعه ومحدش هيقبلها.
المهم أنا بتروح رحلة مامتها دي، ومعلش هقف عند الموقف واعتبروها نصيحه. كلنا عندنا بيوت. البيت مش مكان البيت اشخاص. كلنا بنحتاج نروح نرمي كدا كل حاجه عالارض ونتحضن ونعيش يومين تلاته ف هدوء. بطبيعة المجتمع اللي عايشين فيه مفيش فرصه نحس انهم يوحشونا لانهم عايشين معانا لكن برا هما فعلا مقدرين قد ايه البيت ده مساحة امان وراحه. أنا لما وصلت لمرحلة من ادمان التفكير رجعت للبيت.. لمامتها.. للراحه حتي لو لوقت قصير.
ف نفس اليوم بالليل أنا بتطمن علي كريستيان وبتعرف انه رايح يتعشي مع mrs.robinsin !!!!!
واعتبروها نصيحه تاني متحسسوش اي حد انه مشكوك ف حبه او انه مش كفايه. وبلاش نظلم كريستيان لأنه هيجيلها تاني يوم وهيقابل مامتها فالفندق اللي قاعدين فيه ، هو بيأكدلها انه مش بيمشي وانه حابب يتعرف علي عيلتها ولو اتعرف علي باباها بالصدفه ف هو اختار بمزاجه يتعرف علي مامتها. المهم الفسحه دي هيروحوا مكان كدا بيعملوا فيه رحلات طيران من غير طيار حاجه شبه البراشوتات كدا شويه بس أحدث يعني. المهم ان كريستيان وهو بيسلم عالطيار قاله this is my girlfriend, Anastasia Steele .. واللي هو بتهزااارررييي!!
انبسطوا وضحكوا وكله تمام وأنا بتقول
you told me you don't do romance
- i don't
- why are you fighting this? , what are you afraid of?
- وحقيقي لو الكونڤرزيشن دي كملت كانت ممكن كل عقد كريستيان تتفك.
وحصلت كارثه عند شغل كريستيان (هنعرفها فالجزء التاني) ف اضطر يسافر.
أنا خلصت رحلتها ورجعت وكان الويك اند اللي بعده وراحت لكريستيان علي حسب اتفاقهم ، بس هي لقيته مش كويس خالص وكانت حابه تساعده بس فالمقابل هو قالها انه عايزها فال play room بعد ربع ساعه. رجع دايرة ادمانه للمره الالف ودي الفكره ف اي نوع ادمان ان المدمن مبيشوفش حل لمشاكله غير انه يهرب لدايرة امانه الزايفه دي، حتي لو شخص حكيم وناضح زي كريستيان. فيه تعبير اتقال فالجزء التالت أنا قالته بس هستخدمه دلوقتي
"things get rough, and you run back to her"
اتمني تكونوا فهمتوا قصدي..
راحت ال red room واتبسطوا جدا وتمام..
و أنا صحيت لقت كريستيان كالعاده بيعزف وكالعاده برضه ألحانه حزينه ومحبطه.و دي من اخطر المحادثات ف سلسلة الافلام دي.
صوتهم بيعلي.. بيشدوا ، ف إن ليه مش بيتكلموا ليه مش مسموحلها تلمسه ، ليه مش قابلها علي وضعها زي ما هي. بتسأل عن ان كل الزعل ده عشان العقد لسه متوقعش؟
وهو قالها ان المشكله مش كدا خالص، فاكرين فوق لما قلتلكوا ان الشخص اللي عنده نرجسيه وجلد ذات مبيفهمش نفسه ابدا ومبيسمعش اي صوت واضح جواه.. الحته دي بتبين ده اوي هو مش سامع نفسه هو لا عارف يسمع قلبه ولا عارف يسمع عقله.الماسكات بدأت تقع ، المشكله مش فالعقد وبدأت أنا تضغط علي جرحه اكتر ف يطلع كل الدم المتلوث. كريستيان بيقول جمله لازم نذكرها وندرسها.
"Because that's the way i am, beacause am fifty shades of fucked up."
من اخطر الحاجات اللي بيتعرضلها المدمن اللي غالبا بتبقي طفولته صعبه ومدمره انه بيصدق ان دي حقيقه دي كينونته، ده وجوده، دي شخصيته ، the way he is. ودي من اصعب لةالتحديات برضه اللي بيواجها اي شخص بيتعافي ممكن يغير كل حاجه بس تخيل شخص بيغير وجهة نظره هو عن ذاته اصلا يعني بيغير حاجات من ساعة ما اتولد. بيكدب كلام عاش سنين وسنين يسمعه ويصدقه لدرجة انه بقي من قواعد حياته.
أنا وصلت لحاجه ويمكن لما شوفت الحته دي اول مره وكان الفيلم بيخلص خلاص انا قلت لا أنا هتعالجه وهيوصلوا لحل . أنا اكتشفت ان الموضوع مش هوايه ولا هو نوع من الترفيه.. كريستيان بيحتاج ده ، عنده سبب.
ف بتعرض عليه انه يوريها اسوأ حاجه ممكن تعيشها فال red room ، اسوأ طريقه ممكن يعاقبها بيها لأن دي الطريقه الوحيده اللي هتفهم بيها مشكلته.
أنا وكريستيان فعلا بيطلعوا ال red room وتوقعاتي انها هتبقي حاجة sexual 100% بس يمكن اتفاجأت ان اللي عمله ملهوش اي علاقه بال sex بس هو اخيرا اتحاتله فرصه يطلع كل السئ وكل الغضب وكل اشباح الماضي من أعماقه. عشان كدا كانت أنا هي الشخص اللي هيعالجه. لأن اسوأ السئ طلع معاها.
بطريقه واضحه وصريحه ضربها بحزام جلد 6 مرات (وحاولت افهم رمزيه رقم 6 بس هو معروف انه رقم عدم الكمال او الشر يعني)
شئ ملهوش اي علاقه بالسكس خالص، بس بيطلع كل غضبه. بيضرب بننتهي القسوه اكتر حد حبه وملامح وشه بجد عبقريه قد ايه هو ف عذاب. قد ايه هو بين عذاب الماضي وحبيب الحاضر وقد ايه بين قلبه وعقله وبين ادمانه وحريته. ادينا فهمنا ان فعلا ال red room اكبر ماسك عشان يطلع غضبه المكبوت وانه بيعاقب مامته ف كل واحده بيشوفها ويمكن بيحبها زي أنا.. أنا بتحس انه كفايه ، مش هسمحلك تشوفني ضعيفه كدا. وكريستيان ملامح وشه هترفعلك الادرينالين لليڤل عشروميه. اللي هو ثانيه واحده انا أذيت اكتر حد حبيته وخلاص بيسيبني، ومره كمان صوت نفسه مش مفهوم ومش مسموع، مشتت جدا، ومره كمان اتشافت وحش للمره الألف لان that's the way iam, am fifty shades of fucked up
أنا وكريستيان بيتكلموا لآخر مره وأنا بتعترف انها للاسف حبته وكريستيان بيرفض انه لا انتي متستاهليش ده (متستاهليش السئ ده). علاقتهم بتخلص. واخر لقطه فالفيلم والاسانسير بيتقفل بينهم نعيط بقي للصبح براحتنا والاغنيه اللي ف اخر الفيلم tell me you love me. كلماتها بتوضح قد ايه ان فعلا أنا وكريستيان اخدوا حاجه حقيقيه من بعض وده اللي بيزود الألم ف اي علاقه. الحقيقه ، اكتر من الحب والأمان والراحه وكل ده.
ملاحظه: سمعت اراء كتير بتقول انه ممكن كل المعاني دي تتعمل ف فيلم محترم اكتر من كدا، يمكن اه. بس مش هيطلع بالوضوح ده ، ومش بالمعاني دي وبالنسبالي E L James كاتب الروايه راجل عبقري ومختلف جدا انه يكشف رحلة تعافي بالجمال ده ومن الجزء الاول خلي العالم كله يفرض نظريات ويحلل الفيلم وبقي علامه من علامات السينما الامريكيه او عالاقل الاول من نوعه فالصيحه دي.
اتمني اكون كنت واضح كفايه و أوصل وجهة نظري بأبسط طريقه ممكنه. اتمني كمان اسمع اراءكوا جدا.
واستنوا الجزء التاني قريب اوي 💜
المره دي هبعد عن كل الغموض والاسرار والجماعات وكل ده وهتكلم عن حاجه بعيده جدا رغم اننا شايف ان فأعماقهم بترحع لمبدأ الظاهر دايما كداب.. المهم انا مش هعمل مقدمات ولا ال susbance بتاع كل مره ده.. بصراحه مطلقه انا هتكلم عن سلسلة افلام fifty shades ..
للي اتفرج عليها اتمني تكمل قرايه وتفهم ليه هتكلم عن الفيلم ده.. للي متفرجش، الفيلم بيحكي عن واحد submissive ولما بيحب واحده بيتغير بس اللي شهر الفيلم ده ان ال nuding shoots و ال sex show فيه كتير اوي تقريبا واخده نص الفيلم.. قبل ما نبتدي بس انا هتكلم عن اصغر التفاصيل واعرف معناها الأكبر ف ركزوا 💛 ..
الفيلم بيبدأ بأغنيه من اقرب الاغاني لقلبي بشكل شخصي هي i put a spell on you.. بسهوله نفهم الاغنيه بتتكلم ان قد ايه الحب شئ مسيطر زي اللعنه كأنه بيغيبك عن الوعي .. كل مره بتكلم عن شعور الحب بيفكرني بمشهد ف فيلم the fault in our stars لما البنت دي قالت انها وقعت ف حبه زي النوم براحه شويه شويه ومره واحده بتنعس.. بس انا شايف ان الاغنيه ممكن يكون ليها رمزيه تاتيه وهي فعلا تعويذه.. سيطرة الشر.. سيطرة الخطيه للي مآمنين في الله.. فالاغنيه بتقول ان فيه هنا شر مسيطر.. فبه حد مبسوط بالشر اللي مدمر حياة بني ادم. بعدها بيظهرم christian البطل فالسلسله عشان مرغيش هو شاب عنده 27 سنه كون امبراطوريه حرفيا من شركاته اللي مهتمه بمجالات التكنولوجيا ف US و ليه نشاطات تانيه كتير اهمها حملات جمع تبرعات للمجاعات ف افريقيا. شاب يعني كلنا بنحلم نعيش ربع حياته.. نجاح باهر ف كل مجالات حياته.
نرجع للتفاصيل.. في shot كدا غريبه بالذات بما اننا ف اول الفيلم يعني اللي بيتفرج بيركز، ف ليه المخرج يجيب 5 6 ثواني صورة الكرافته اللي بينقيها كريس.. لونها رصاصي باترن ممل اوي.. يمكن عايز يفسر ان حياته معتاده علي عكس الظاهر شاب ناجح حماسي عنده حياه مفيش احلي منها..ويمكن ركز عليها عشان كان قصده حاجه تانيه هنفهمها قدام..
بعد كدا بتظهر Anastasia .. Ana .. أنا طالبه جامعيه برضه هاديه جدا اقرب للملل.. دراسه وشغل وعايشه مع واحده صاحبتها
خلينا نجري الاحداث شويه.. أنا وكريستيان بيتقابلوا عشان أنا تعمل معاه مقابله للجامعه بتاعتها اللي بالصدفه هيحضر حفلة تخرجها و تطلع أنا ال tybe بتاع christian يعني عجبه فيها شكلها ولا اكثر. عالاقل للوهله الاولي..
بعد كدا كريستيان بيروح ل أنا المحل اللي بتشتغل فيه وهنعرف فالجزء التاني ازاي عرف شغلها وف اليوم ده اتفقوا انهم هيتقابلوا تاني يوم عشان يتصور للقاء اللي عملته (خليكوا فاكرين انه وهو بيتصور الفوتوغرافر كان بيقوله حاول تضحك وملامح كريستيان بتقول انه مش قادر يضحك اكتر منه مش عايز) وبيعزمها علي morning coffe لحد اللحظه دي السير الطبيعي لأي علاقه.. بس فجأه كريستيان بيسأل أنا سؤال من اهم لقطات الفيلم.. بيسألها كونها رومانسيه او لا وهي بتقوله اه. ف وش كريستيان بيقفل وبيقولها انا مش هنفع ليكي.. فالتحليل النفسي ل لقطه زي دي السؤال الاهم ليه؟. ليه شايف نفسك مش ليها.. ليه شايف نفسك مش جدير بثقة بني ادمه رغم ان معروف عنك ان شغلك ناجح بسبب اهتمامك بالناس وانك معطاء وبتحب تشوفهم فرحانين وناجحين (من اللقاء اللي عملته أنا لكريستيان).. تنويه بس اللطيف جدا فالفيلم انه بيعرضلك كلكيعه كبيييره وانت بتفسر كل لغز فيهم..نكمل.. بعد المورنينج ديت ده كريستيان بيبعت لأنا نسخه اولي من اكتر سلسلة كتب بتحبها كإعتذار انه عشمها يعني وده بيفتح سكة كلام مره تانيه بينهم خلينا نجري شويه بالاحداث.. حصل حاجات كتير المهم ان كريستيان قال لأنا ف لقطه يمكن محدش ياخد باله منها تقريبا انه مش قادر يخليها بعيده.. وف رأيي ف التوقيت ده بشخصية كريستيان كان محن رجاله مش اكتر لأنه واحد زي ده هيلاقي مليون بني ادمه نفسها بس تقف تتكلم معاه خمس دقايق مش تبات معاه.. هو بيقولها انه عايز يسيبها عشان ذوقه متفرد جدا ومعقد وان مش سهل حد يقبله.. فالمشهد ده بيعرض مشكلتين للاسف عكس بعض تماما وتعتبر دوامه نفسيه ملهاش اخر.. ال ego العالي وجلد الذات الكبير وللاسف الاتنين لو اتوجدوا ف بني ادم واحد مش بيعرف يطلع منهم وبيدمروا حياته حرفيا ومبيبقاش ليه اي مرجعيه ف قراراته ومفيش صوت واضح لعقله وده اللي هيبقي واضح جدا ف اخر الفيلم. المهم
أنا بتروح لكريستيان الشقه وبيوريها السر بتاعه (ذوقه الفريد المعقد) .. ال play room .. فيه حته مهمه جدا هنا انه قبل ما يدخلها ال play room بيقولها انها لو مرتاحتش ممكن تمشي ف اي وقت ودي حاجه مهمه انه ناضج وعارف انه اه مسيطر بس عاللي يوافق هو مش متحرش او مغتصب مع العلم ان أنا كانت ماضيه ورق انها مش هتقول اي حاجه لأي حد عنهم عشان منقولش خايف من الفضيحه مثلا.. المهم كريستيان طلع dominant يعني مهيمن يعني سادي... لو محدش فهم كل الالفاظ دي.. الساديه فالجنس مبتتصنفش ك مرض نفسي ابدا لكن ف حالة كريستيان الكاتب كان حرفيا بيعمل عظمه ف انه يوضح ازاي الساديه ممكن تكون نتيجه اصلا لمرض او امراض خاصة في الطفوله.. طبعا واحده ببراءة أنا اللي فالمشهد دي بتقول انها virgin ومكسوفه اصلا لأن ف مجتمUS ال virginity دي حاجه زي روتين الاكل والشرب مش ضروري ابدا تحافظ عليها إلا ف دواير اجتماعيه معينه وصغيره زي الكنيسه المتشدده مثلا والعرب وغيره. نتكلم بقي فالموضوع.. كريستان اللي
1 عمره ما غير قواعده عشان واحده.
2 عمره ما نام جمب حد علي سرير واحد.
ف ثانيه من الزمن محسش بنفسه وهو بيقول لأنا where have you been ودي بالنسبالي اولي مراحل تعافي اي بني ادم.. انه بينبهر بالجزء التاني من العالم بيتفاجئ ان فيه حاجه تانيه غير اللي عاش عمره كله عليها.. المهم أنا و كريستيان بيعملوااول sex وبيقوموا حلوين مبسوطين.. كريستيان لأول مره بينام جنب حد وخليكوا فاكرينها ..
تاني يوم الصبح ده بيحصل حاجه برضه مهمه جدا.. ان مامة كريستيان بتيجي البيت من غير ما كريستيان يعرف ف بتشوف أنا وكان باين عليها كم السعاده اللي علي وشها وده اللي بيبان بإن مامة كريستيان عمرها ما شافته مع بنت قبل كدا و بعدها بثانيه بيقولها ان هو دخل حياته (15) ست قبل كدا.. يعني نقدر نفسره بإدمان علاقات عاطفيه اوررمانسيه او ادمان جنس .. ومع مامته متعرفش عنه حاجه.. يعني نقدر نفسر انه مدمن (وحيييد) عنده عيله واصحاب ونجاحات بالهبل بس وحيد ف مشكلته مش مشارك حد ودي اصعب حاجه بتقابل اي مدمن انه مش مشارك حد يقوله.
كريستيان عنده بقي مبدأ سخيف جدا للاسف بييجي لا اراديا لأي حد ف علاقاته من كتر الخذلان وهو انه يأما تقبلني زي ما انا يأما تمشي انت، لكن انا مش هتغير وده يعتبر عدم نصوج برضه لأن الحب الحقيقي قادر يغير.. بس هو لسه مختبرش حاجه زي دي واصلا مش مصدق فيها، فالاسهل انه يقول لأنا كده. ده نوع العلاقه الوحيد اللي انا بدخله عايزه اهلا وسهلا مش عايزه اتفضلي حضرتك وكأن محصلش حاجه.. نراجع بش عشان منتوهش:
1- كريستيان ناجح جدا ف كل مجالات حياته لكن مدمن جنس او علاقات عاطفيه ومش مشارك حد من عيلته او اصحابه. عنده جلد دات، عنده ego يصل للنرجسيه.
2- أنا بنت جامعيه ممله جدا مستعده تستغني عن كل مبادئها عشان تفضل جمب الراجل الوحيد اللي غالبا حبته رغم شروطه المؤذيه.
المهم الفيلم بيكمل وبتوقفنا حاجه مهمه جدا ان أنا مش غلبانه لا وبتتحداه انها مش هتمضي العقد اللي بينص علي كل شروطه بالسرعه دي او بالسهوله دي وعايزه تختفظ بحريتها لوقت اطول. شخصية أنا القويه مع ادراكها لمشاعرها كان سبب رئيسي ف علاج كريستيان واي مدمن بيحتاج شخص زي ده منطقه ودماغه عاليه وكبيره لكن قادر يستغني عن مبادئه ويجازف عشان يقدم حب كبير للطرف الاخر.
كريستيان وهو بيوصل أنا البيت وقف بالعربيه ف حته فاضيه كدا وملامحه بتاخد شكل جدي ويمكن ندمان او حزين وقالها تعالي ننزل نتكلم.. التعافي بيوضح اكتر انه عايز يتكلم او يشارك مش بس ي have sex مع ال partner بتاعه.. المهم بيتناقشوا ف حاجات وبنطلع من الحوار ده بكام حاجه مهمه كدا:
1 كريستيان بدا يمارس الطريق ده من حياته وهو عنده 15 سنه لما واحده من صحاب مامته بقت his submissive لمدة 6 سنين.
(وده يوضح انه من سن صغير تم استغلاله بطريقه تترجم قد ايه هو مأذي اكتر من كونه مؤذي)
2 بيأكد تاني ان ولا مامته ولا حد من عيلته يعرف الجزء ده من حياته.
3 انا بتقول عالست دي mrs.robinson وخليكوا فاكرين ست الكتكوته دي . وبيوضح انه لحد دلوقتي علي اتصال معاها.
4 كريستيان مقدر قد ايه اللي بيطلبه صعب وبيقول انه حس برضه فالاول قد ايه الموضوع مخيف. نوت صغيره ال body language بتاع أنا مش راضي ابدا عن الحوار ومصممه انه انا بحبك ف ناخد علاقه عاديه زي بقية الناس.
5 كريستيان بيذكر مميزات علاقه زي دي انه حر ومش متقيد بمسئوليات وقرارات لأنه ببساطه القرار الوحيد اللي بياخده هينام معاها امتي.. غير كدا كل واحد ليه حياته وملناش دعوه ببعض.
6 كريستيان بيضغط علي أنا انه بيذكر قد ايه هي مميزه رغم انه ممكن يكون اغلبها بالصدفه زي موضوع مامته والهيلكوبتر اللي ركبتها اول مره معاه مثلا. بس موضوع انه ينام جنبها عالسرير ده حقيقي الحاجه الوحيده اللي تدينا امل ان فيه حاجه بتتغير جواه.
كريستيان بيديها العقد وبيقولها تقراه كويس وبيجبلها لاب جديد هديه وكل الانبهارات الاولي الحلوه دي. بيتمني انها ت say yes وبيفكرنا انه ده نفس التعبير بتاع الجواز ويمكن يكون ل كريستيان بيحمل نفس الاهميه بس أنا لحد دلوقتي مش فاهمه اي حاجه.
أنا بتشكره علي كلامه يعني وده برضه يمكن رساله لأي حد بيقف جمب حد مدمن او بيساعده ف رحلته ان اصعب جزء ف حياة اي مدمن هو المشاركه انه يفتح دوايره المضلمه ويقول اللي جواها من غير ما يتكسف انه يتعري من ماسكاته ويبين قد ايه هو فاشل ومخزي (في نظر نفسه) ف اشكره علي كل خطوه بياخدها حتي لو كلمتين تلاته من حياته السريه.
المخرج كان عبقري ف ان أنا وهي بتقري العقد عقلها بيفتكر كريستيان بيفتكر حبه وطبعا قد ايه ال sex كان لطيف بما ان دي اول تجاربها وقد ايه لطيف انها تبقي ف relationship .. بس ف مقابل ده هي بتقرا كلام صعب اي حد يقبله.. مفهوش غير اهانه وانك بتسلمي حريتك بايدك حتي لو لوقت محدود..
أنا للاسف حبته مفيش مشهد معين يثبت ده لكن رسايلها العشوائيه بتقول انه بيوحشها وانه واحشها طرقه**
العقد اللي هتمضيه أنا مش بس بيحكم حياتها الجنسيه ان ميبقاش ليها علاقه بحد تاني او كدا لا بيتدخل ف حياتها وروتينها كمان.. زي انه ممنوع اي كحوليات ومخدرات وشرط يبقي ليها روتين اكل معين يفيد صحتها وشرط انه فالاسبوع يتحدد يوم او اتنين ال submissive تبقي بتاعة ال dominant حرفيا وطبعا الطاعه الغير مشروطه لأي اوامر يفرضها المهيمن حتي اللمسات اللي بين ال dominant وال submissive لازم المهيمن يدي تصريح واضح ب ده، من نصوص العقد انه كلمة red بتتقال لما ال dominant يوصل المستوي الاقصي لتحمل ال submissive.. انا بتجرب ت google كلمة submissive ونقدر نتوقع قد ايه اللي طلعلها شئ مهين .. يمكن يبان ان العقد فيه ايجابيات كتير زي الالتزام بشريك واحد والاقلاع عن التدخين والكحوليات وغيره.. واللي هقوله دي طبعا مش شبه شروط العقد لكن هي مجرد رمزيه. يمكن ساعات كتير المدمنين نفسهم بيلاحظوا ده بعد رحلة تعافيهم ان ف عز قاع ادمانهم هما بيستفادوا وبيتعلموا حاجات لولا قاعهم ده مكانوش استفادوا حاجه ف حياتهم.
بشكل شخصي سمعتها من اكتر من مدمن انه بيشكر الله جدا علي كل حياته خاصة ادمانه لأنه خلاه الشخص اللي عليه دلوقتي اللي بيبقي عادة قوي وحمول وعطوف جدا ومؤمن وقادر يحس باللي حواليه .. المهم ان انا بتكتبله it was nice knowing you.. ويمكن دي كلمة النهاية ونخلص بس كريستيان بما انه mr.ego مش هيتنازل عن رغباته بسهوله كدا... كريستيان بيضغط اكتر علي نقط ضعفها.. العاطفه من اكبر نقط ضعف الانسان.. والنقطه الوحيده اللي بيتقابل فيها الجسم والعاطفه هي ال sex عشان كدا نقدر نتخيل ان سهل اوي تتسحب ف دوامه زي دي.. وبالمناسبه دي اكتر طرق الشيطان شهره وسهوله فالسيطره عالبشر.. انه يلعب علي عاطفتك ومتعة جسمك مع بعض. أنا وكريستيان بيعملوا تاني sex وبينام جنبها لتاني مره وبيتكلموا.. طبعا ده ضد روتين كريستيان.. هيقولها حاجه من اهم الجمل ف سلسلة الافلام دي.. What are you doing to me.. انتي بتعملي فيا ايه.. التغيير.. لما المدمن يفضل سنين بيدور علي روتين مريح ليه وبيعمل ف نفسه العمايل عشان يتأقلم مع مرضه وييجي حد بأبسط العطايا يشقلب حياته بيخاف وبيهرب، واغلب فشل رحلات التعافي بيرجع للسبب ده. الخوف.. اكتر حاجه بتخوف المدمن انه يتحرك من مكانه.. مفاجأه لمسته من غير ما تاخد اذنه رغم ان هنا الاتنين عارفين ان دي حاجه كبيره وكريستيان سابها .. كريستيان بيرجع تاني للسجن بتاعه مساحة الأمان اللي بناها من سنين.. العقد، سألها سواء مضته او لا وهي بتقول لا ممضتهوش فبيقوم ويسيبها.. الهروب..
من اهم المشاهد فالفيلم اللي جاي ده
أنا بتقول لكريستيان انها عندها مشاكل مع العقد ومحتاجه تتناقش ف شوية بنود وده اللي بيحصل.. مش سهل ابدا علي حد زي كريستيان انه يغير فالقواعد اللي بقالها سنين عشان واحده عجباه.. الا لو هي اكتر من عجباه.. فيه بنود كتير اتشالت من العقد رغم رغبة كريستيان الملحه ف ممارستها.. الاهم بقي ان كريستسان نفسه بيزود بند ان يوم من كل اسبوع يخرجوا ف date خروجه يعني وده الشئ اللي كريستيان عمره ما عمله مع اي واحده .. نقدر نستشف ان كريستيان بيستغني عن قواعده واسسه،وخلينا نحلل ده ان اي مدمن ف اول رحلة تعافيه بعد ما بينبهر او بيدرك ان فيه جنب تاني من الحياه غير ادمانه بيبتدي من غير ما يحس يخسر شوية قواعد حرفيا قواعد.. يعني مدمن المخدرات ممكن يكون من قواعده ان الضرب ده روتين يومي او مدمن الجنس يبقي من قواعده التايب اللي بينام معاه او مثلا مينفعش يعدي يوم خميس او يروح مكان معين يمارس فيه.. اغلب المدمنين غير ان الادمان بيبقي جزء من حياتهم هو بيبقي ليه برنامج.. وقت معين.. مكان معين.. اسلوب معين.. اشخاص معينين.. ساعات حتي لبس او الوان معينه.. بتوصل لاصغر تفصيلات حياتهم.. زي كريستيان عنده برنامج دقيق لإدمانه لدرجة انه وصل ف دقته انه بقي عقد مكتوب فيه كل حاجه بأدق أدق التفاصيل. وكونه بيستغني عن بعضها وبدأ يشوف جانب تاني انه ينفع يخرج ويتفسح مش بس يقعدوا فالبيت يتبسطوا ببعض لا فيه جوانب تانيه.. بالمناسبه الخروج من البيت او الفسحه بشكل عام او انك تشوف الشارع والناس يعتبر من مراحل الاقلاع عن اي ادمان انك تهرب من دايرتك المقفوله السريه وتشوف حاجات غير احتياجاتك.
بتيجي حفلة تخرج أنا، وكريستيان بيطلع يقول ال speach بتاعه طبعا رسميه جدا وجملتين واقلب إلا انه قال حاجه لفتت نظر أنا انه هو نفسه جرب قد ايه الشعور بالجوع وانت صغير ده شئ مؤلم ، وده يخلينا نفهم اكتر ان حياة كريستيان كطفل مكانتش سهله ممكن ده كمان يحددلنا كم المعاناه يعني اطفال كتير تربيتهم مكانتش سليمه اطفال كتير عاشوا حياه صعبه لكن كونك طفل مش لاقي اكل يعني انت تقريبا معندكش عيله او عندك عيله قاسيه لدرجة انها بتجوعك هنفهم كتيير جدا عن طفولة كريستيان قدام شويه.. فالحفله برضه والد أنا بيتعرف علي كريستيان والعلاقه بدأت تاخد شكل معروف اهله واهلها عارفين وعندهم فرصه يخرجوا. فالعلاقه طبيعيه اهه بس متنسوش ان كريستيان لسه متمسك بالعقد (الحق اللي يضمنله الهروب لو خاف/الشئ اللي يبررله عدم اعترافه بالحب/الشئ اللي يبررله انتكاسه لإدماناته/الادمان).
فيه حته تافهه جدا وصغيره جدا بس لفتت نظري ان كريستيان كراجل مشهور يعني الجرايد جات تصور الحفله اللي بيحضرها وواحد من المصورين صوره مع أنا بإذنهم يعني وكريستيان كان بيضحك.. عرف يضحك.. عرف يتبسط.. بقي قادر يوري العالم سعادته.
أنا وكريستيان بيحتفلوا بتخرجها فالبيت وبيجبلها عربيه هديه وكل الحاجات الحلوه دي
أنا بتكلم مامتها بعدها بثانيتين تقريبا ومن غير ما تحس أنا بتعيط وبتخاف وبتحس قد ايه هي مضغوطه.. علي قد ما هي مبسوطه.. هي بتجري مع واحد ناحية المجهول.. ويمكن دي المخاطره اللي بيخاطرها اي حد بيرتبط او بيقرب من مدمن او شخص مأذي بشكل عام انه هيتحمل مراحل تعافيه.. هيحس انه زيه زي اللي قبله وهيحس بعجز غريب ومش بعيد يخاف ويبعد.. الخوف.. الخوف هو اللي بيقتل كل ده.. بيقتل المواجده والمساعدة.. يمكن ساعات الخوف يحرك بني ادم لمصلحته ويمكن عشان كدا انا شايف ان من حقايق الحب القليله لان الحب ميعتبرش له قواعد بس مينفعش نختلف ان الحب للشجعان والشجعان جداا لأن الحب زي ما ممكن يكسبك حياه هو كمان ممكن يخسرك حياه. نكمل
أنا وكريستيان بيعملوا سكس لأول مره فال red room وطبعا شخص حكيم زي كريستيان هيخليها تحب المكان ده جدا لأن المفترض ان حياتهم تقريبا هتبقي فالمكان ده.. السكس كان لطيف.
أنا بتروح تزور عيلة كريستيان معاه عالعشا وبيتعرفوا علي بعض وكل الحاجات الجميله دي.
أنا بتقول ف نص الكلام انها رايحه تزور مامتها بكره وكريستيان مكانش يعرف ف بيتخانقوا وبيقولها بالنص you're mina, all mine بغضب غريب.. التملك.. وده اللي قلناه بخصوص العقد هو مش مجرد شخص عايز يتبسط فالسكس لا هو عايز يمارس سيطرته يثبت لنفسه حاجه ناقصاه.. حاجه وجعاه ..حاجه مدخله جواه (غضب.كراهيه.ضعف.عنف....) هو عايز يتملك بكل قوته عايز يحس ان الطرف التاني بتاعه (ركزوا فالالفاظ) .. ويمكن ده الفرق بين السادي والمهيمن.. السادي ده شخص عايش حياته كدا هو سادي فالشغل فالبيت مع صحابه عايز يشوف الالم ف عينين الناس عايز يوجع الناس زي ما اتوجع وده اللي بيوصل لمراحل قاسيه جدا فالجنس بالاخص.. ساعات ناس لازم تشوف اللي قدامها ينزف او يغمي عليه عشان يوصل لنشوته.. السادي مش لازم يكون راجل ابدا دي ملحوظه.. الساديه كأسلوب حياه ناتجه عن كل المشاعر السلبيه اللي ممكن نتخيلها.. خوف.غضب.قهر.عدم انتماء. عدم توفر الامان. الهروب. الحزن. .. تبعا لمدرسة الجشطلت.. طفولة الانسان بتبقي ابشع من بشعه.. طبعا نضيف ليها الاعتدائات المختلفه، التنمر، وجوده ف دار ايتام او مع ناس مش مؤهله لتربية الاطفال، ولو كمل ف نفس الوسط،فالمراهقه كمان مع البلوغ بتدمر الباقي من عمر الانسان ده.. زي كريستيان.. طفوله بشعه، مراهقه استغلتها واحده صاحبة مامته وزرعت جواه معني ادمان الجنس، نتج شخص ناجح ف كل حاجه ف حياته الا علاقته بنفسه وده خلاه مؤذي، اناني، استغلالي، نرجسي ف بعض الاحيان.. وساعات بيقلب العكس تماما جلد ذات، صغر نفس، هروب من المسىوليات، الكدب، وهكذا.
أنا بتواجهه للمره الالف بأسأله دي ابسط حقوقها
? Why we can't sleep in the same bed
? Why won't you let me touch you
? Why does it have to be like this
بيرد عليها رد اغرب ما يكون.. ان ياريت لو تمضي العقد.. الرجوع لدايرته.. سيبيني انا ف ادماني وتعالي اتأذي معايا زي ما انا اتأذيت.. تعالي صدقي معايا ان مفيش حب.. وده اللي ساعات كتير بيحصل وبنسمعه كتير اوي ان اشخاص بيحاولوا يساعدوا مدمنين يروحوا مسحوبين هما كمان.. كريستيان لسه مصدق ف قواعده لسه مش عايز يهد ارضه الثابته.. بتواجهه أنا تاني وبتقوله انت ليه مهتم اوي بالعقد طالما انا عجباك كدا؟.. كريستيان ببساطه كان ممكن يسمع كلام قلبه وفعلا يلغي العقد ونعيش مبسوطين وكل واحد يحاول يرضي الثاني وخلاص بس الكارثه ان العقل نادرا ما بيتفق مع القلب بغض النظر مين صح ومين غلط.. بس عقله كان خلاص حط برنامج ومش هيغيره انا هأذي بس.. هستغل بس، قلبك ده اتكسر من زمان وانساه خلاص.
I need more, i want more
ده اللي أنا قالته لما وصلت لحيطه سد.. ليه لازم عقد ليه لازم شروط.. ليه مبتحبنيش؟؟؟؟
كريستيان بيرد عليها رد يثبت اللي بقوله ان فعلا عقله اللي بيقود الكونڤرريشن دي ..
عايزه ايه قلوب وورد ؟ دي حاجه مبعرفش اعملها.
اتوقفت هنا ثانيه وفكرت.. ان حتي المجتمع ليه دور ف انه يحط عوائق قدام المتعافي.. الحب للمجتمع بقي دباديب وورد وبوستات عالسوشيال ميديا مليانه مبالغه وزيف ومشاعر مصطنعه .. الاحقر من كدا كمان ان اللي مبيعملش كدا بنواجهه بانه مبيحبش او عالاقل نزمي عليه انه مبيعرفش يعبر... بس ده مش حقيقي.. التعبير عن الحب زي بصمة الصوباع.. مفيش حد بيتشابه مع حد فيها ابدا.. ف ببساطه كريستيان شاف الحب (من نظرة المجتمع السطحيه جدا وطبعا مع الرجوع لمشاكله ورتم حياته السريه والجاد جدا) شاف ان حب ايه وقرف ايه.. انا عايز اتبسط.
Anna, please
It's you that's changing me!
لتاني مره كريستيان بيفتح قبره.. اكتر اوضه ضلمه جواه .. اسراره.. بتسأله عن الندوب اللي ف جسمه سواء كانت حروق او لا.. المشهد ده فيه رمزيه غريبه حقيقي وبديعه. ان مجرد السؤال عن ندوب الشخص بيوجع جدا وكون الشخص بيشارك بجمله حتي، ده انجاز ما بعده انجاز.. لان زي ما قلنا هو بيتعري من كل وشوشه الكدابه ويقف قدامك حرفيا زي كريستيان بكل الندوب والجروح اللي علي جسمه.
قالها i had a rough start in life
برضه ده يخلينا نصدق ان كريستيان علي قد ما بيعاني اه لكنه مدرك ان ده من الماضي وانه مضطر يعديه ويكمل حياته وللاسف يعني ده اللي مدمنين كتير بيفضلوا عمرهم يكدبوا علي نفسهم بيه.. اللي هو انا مثلا قبلت ان خالي اتحرش بيا تمام خلاص انا قابل وممكن كمان يسامحه بس جروحه متتشفبش. معالجش نفسه. عالج اللي بره زي ما جروح كريستيان اتقفلت من برا.. لكن جوا؟.. تعافيك انت لنفسك؟؟؟
نركز بقي عشان المشهد ده.. الفيلم كله فيه.. هكتب اللي حرفيا اتقال
الست اللي ولدتني كانت مدمنه وعاهره ، ماتت وانا عندي اربع سنين ، انا بفتكر حاجات معينه ، حاجات بشعه ، بس انا مش فاكرها هي، ساعات بيتهيألي اننا بشوفها ف أحلامي .
نقف بقي ونتكلم شويه
ف علم نفس الجشطلت اللي بيرجع كل حاجه للطفوله بيقول ان اغلب تكوين الطفل بيتم من 3 ل 5 سنين.. يعني مثلا هواياته ،مستوي ذكائه، طباعه الشخصيه حتي ميوله الجنسيه طبعا مع الرجوع لعوامل الوراثه.
بتقول كمان ان فيه علم كامل اسمه علم نفس الجنين (اللي ذكرته قبل كدا ف موضوع ليوناردو داڤنشي).. بيقول ان ان الجنين بيحس بكل حاجه برا كأنه ناضج بالظبط بالاخص مشاعر الام وبتأثر ف تكوين مخه و كمان ساعات بتأثر علي تكوين جسمه.
بالرجوع للنقط دي.كريستيان عاش اول اربع سنين من حياته مع واحده مدمنة كحوليات ومخدرات يعني جسمها وعقلها مش متزنين اغلب الوقت. نذكر كمان ان دوايرها الاجتماعيه مفتوحه علي ناس مش اسوياء ابدا وعايشه دايما ف خطر وخوف لان ممكن حد ييجي يقتلها،يغتصبها يعمل فيها اي حاجه لو مدفعتش فلوس مثلا، او البوليس يحبسها ف اي وقت. ثانيا عاهره او التعبير الانجليزي الاصح عاهره بالفلوس يعني ، معني كدا ان مش بس هي فاتحه علي دواير اجتماعيه فاسده لا دي الدواير بتوصل لسريرها وبيتها مكان وجود الطفل نفسه، يعني انا دلوقتي هحكي موقف حرفيا جه ف دماغي وانا بتفرج عالحته دي اول مره، الام سكرانه مش حاسه بنفسها اصلا الراجل المجهول ده خلص ممارسته معاها ولقي ولد صغير فالبيت. ممكن يعمل في ايه؟ ابشع حاجات تيجي ف دماغنا اكيد الطفل ده واجهها سواء تحرش او اغتصاب او استغلال من اي نوع اخر حتي لو لفظي.. وفالاخر ده طفل عنده 4 سنين يعني مهما عمل هو معندوش حتي جسم يدافع بيه عن نفسه. نتايج بقي كل اللي عاناه ده طبعا ابسط الحاجات شعور بالذنب، خوف دايم، مرض قلق من الدرجه الاولي، اكيد عاني من اكتئاب ف فتره من حياته، غضب مدفون لمدة سنين لأن المكان اللي سببله الغضب ده اللي هي امه ماتت خلاص ف عمره ما هيطلع ف مكانه الصح، يعني مشروع مريض نفسي من الدرجه الاولي. كونه مدمن جنس ف شبابه ده يمكن احسن الظروف اللي ممكن يوصلها اي انسان لو اتعرض لنفس الظروف ويمكن المخرج عرض الجزء بعد تقريبا ما نص الفيلم خلص عشان يورينا قد ايه احنا ممكن نكون جلادين ونقول عالشخص ده غلط ومؤذي وهو ليه كدا.. بس بالرجوع لأسبابه ممكن يكون احسن واقوي حد فينا.
كل الكلام ده بقي كريستيان قاله وأنا نايمه يعني مسمعتوش.. يخلينا نسأل تاني.. ليه الخوف الرهيب ده من المشاركه؟ ليه خايف.. عشان هو عنده مرجعيه قديمه من اللي سمعه واللي عاشه ان حقيقته بشعه ومحدش هيقبلها.
المهم أنا بتروح رحلة مامتها دي، ومعلش هقف عند الموقف واعتبروها نصيحه. كلنا عندنا بيوت. البيت مش مكان البيت اشخاص. كلنا بنحتاج نروح نرمي كدا كل حاجه عالارض ونتحضن ونعيش يومين تلاته ف هدوء. بطبيعة المجتمع اللي عايشين فيه مفيش فرصه نحس انهم يوحشونا لانهم عايشين معانا لكن برا هما فعلا مقدرين قد ايه البيت ده مساحة امان وراحه. أنا لما وصلت لمرحلة من ادمان التفكير رجعت للبيت.. لمامتها.. للراحه حتي لو لوقت قصير.
ف نفس اليوم بالليل أنا بتطمن علي كريستيان وبتعرف انه رايح يتعشي مع mrs.robinsin !!!!!
واعتبروها نصيحه تاني متحسسوش اي حد انه مشكوك ف حبه او انه مش كفايه. وبلاش نظلم كريستيان لأنه هيجيلها تاني يوم وهيقابل مامتها فالفندق اللي قاعدين فيه ، هو بيأكدلها انه مش بيمشي وانه حابب يتعرف علي عيلتها ولو اتعرف علي باباها بالصدفه ف هو اختار بمزاجه يتعرف علي مامتها. المهم الفسحه دي هيروحوا مكان كدا بيعملوا فيه رحلات طيران من غير طيار حاجه شبه البراشوتات كدا شويه بس أحدث يعني. المهم ان كريستيان وهو بيسلم عالطيار قاله this is my girlfriend, Anastasia Steele .. واللي هو بتهزااارررييي!!
انبسطوا وضحكوا وكله تمام وأنا بتقول
you told me you don't do romance
- i don't
- why are you fighting this? , what are you afraid of?
- وحقيقي لو الكونڤرزيشن دي كملت كانت ممكن كل عقد كريستيان تتفك.
وحصلت كارثه عند شغل كريستيان (هنعرفها فالجزء التاني) ف اضطر يسافر.
أنا خلصت رحلتها ورجعت وكان الويك اند اللي بعده وراحت لكريستيان علي حسب اتفاقهم ، بس هي لقيته مش كويس خالص وكانت حابه تساعده بس فالمقابل هو قالها انه عايزها فال play room بعد ربع ساعه. رجع دايرة ادمانه للمره الالف ودي الفكره ف اي نوع ادمان ان المدمن مبيشوفش حل لمشاكله غير انه يهرب لدايرة امانه الزايفه دي، حتي لو شخص حكيم وناضح زي كريستيان. فيه تعبير اتقال فالجزء التالت أنا قالته بس هستخدمه دلوقتي
"things get rough, and you run back to her"
اتمني تكونوا فهمتوا قصدي..
راحت ال red room واتبسطوا جدا وتمام..
و أنا صحيت لقت كريستيان كالعاده بيعزف وكالعاده برضه ألحانه حزينه ومحبطه.و دي من اخطر المحادثات ف سلسلة الافلام دي.
صوتهم بيعلي.. بيشدوا ، ف إن ليه مش بيتكلموا ليه مش مسموحلها تلمسه ، ليه مش قابلها علي وضعها زي ما هي. بتسأل عن ان كل الزعل ده عشان العقد لسه متوقعش؟
وهو قالها ان المشكله مش كدا خالص، فاكرين فوق لما قلتلكوا ان الشخص اللي عنده نرجسيه وجلد ذات مبيفهمش نفسه ابدا ومبيسمعش اي صوت واضح جواه.. الحته دي بتبين ده اوي هو مش سامع نفسه هو لا عارف يسمع قلبه ولا عارف يسمع عقله.الماسكات بدأت تقع ، المشكله مش فالعقد وبدأت أنا تضغط علي جرحه اكتر ف يطلع كل الدم المتلوث. كريستيان بيقول جمله لازم نذكرها وندرسها.
"Because that's the way i am, beacause am fifty shades of fucked up."
من اخطر الحاجات اللي بيتعرضلها المدمن اللي غالبا بتبقي طفولته صعبه ومدمره انه بيصدق ان دي حقيقه دي كينونته، ده وجوده، دي شخصيته ، the way he is. ودي من اصعب لةالتحديات برضه اللي بيواجها اي شخص بيتعافي ممكن يغير كل حاجه بس تخيل شخص بيغير وجهة نظره هو عن ذاته اصلا يعني بيغير حاجات من ساعة ما اتولد. بيكدب كلام عاش سنين وسنين يسمعه ويصدقه لدرجة انه بقي من قواعد حياته.
أنا وصلت لحاجه ويمكن لما شوفت الحته دي اول مره وكان الفيلم بيخلص خلاص انا قلت لا أنا هتعالجه وهيوصلوا لحل . أنا اكتشفت ان الموضوع مش هوايه ولا هو نوع من الترفيه.. كريستيان بيحتاج ده ، عنده سبب.
ف بتعرض عليه انه يوريها اسوأ حاجه ممكن تعيشها فال red room ، اسوأ طريقه ممكن يعاقبها بيها لأن دي الطريقه الوحيده اللي هتفهم بيها مشكلته.
أنا وكريستيان فعلا بيطلعوا ال red room وتوقعاتي انها هتبقي حاجة sexual 100% بس يمكن اتفاجأت ان اللي عمله ملهوش اي علاقه بال sex بس هو اخيرا اتحاتله فرصه يطلع كل السئ وكل الغضب وكل اشباح الماضي من أعماقه. عشان كدا كانت أنا هي الشخص اللي هيعالجه. لأن اسوأ السئ طلع معاها.
بطريقه واضحه وصريحه ضربها بحزام جلد 6 مرات (وحاولت افهم رمزيه رقم 6 بس هو معروف انه رقم عدم الكمال او الشر يعني)
شئ ملهوش اي علاقه بالسكس خالص، بس بيطلع كل غضبه. بيضرب بننتهي القسوه اكتر حد حبه وملامح وشه بجد عبقريه قد ايه هو ف عذاب. قد ايه هو بين عذاب الماضي وحبيب الحاضر وقد ايه بين قلبه وعقله وبين ادمانه وحريته. ادينا فهمنا ان فعلا ال red room اكبر ماسك عشان يطلع غضبه المكبوت وانه بيعاقب مامته ف كل واحده بيشوفها ويمكن بيحبها زي أنا.. أنا بتحس انه كفايه ، مش هسمحلك تشوفني ضعيفه كدا. وكريستيان ملامح وشه هترفعلك الادرينالين لليڤل عشروميه. اللي هو ثانيه واحده انا أذيت اكتر حد حبيته وخلاص بيسيبني، ومره كمان صوت نفسه مش مفهوم ومش مسموع، مشتت جدا، ومره كمان اتشافت وحش للمره الألف لان that's the way iam, am fifty shades of fucked up
أنا وكريستيان بيتكلموا لآخر مره وأنا بتعترف انها للاسف حبته وكريستيان بيرفض انه لا انتي متستاهليش ده (متستاهليش السئ ده). علاقتهم بتخلص. واخر لقطه فالفيلم والاسانسير بيتقفل بينهم نعيط بقي للصبح براحتنا والاغنيه اللي ف اخر الفيلم tell me you love me. كلماتها بتوضح قد ايه ان فعلا أنا وكريستيان اخدوا حاجه حقيقيه من بعض وده اللي بيزود الألم ف اي علاقه. الحقيقه ، اكتر من الحب والأمان والراحه وكل ده.
ملاحظه: سمعت اراء كتير بتقول انه ممكن كل المعاني دي تتعمل ف فيلم محترم اكتر من كدا، يمكن اه. بس مش هيطلع بالوضوح ده ، ومش بالمعاني دي وبالنسبالي E L James كاتب الروايه راجل عبقري ومختلف جدا انه يكشف رحلة تعافي بالجمال ده ومن الجزء الاول خلي العالم كله يفرض نظريات ويحلل الفيلم وبقي علامه من علامات السينما الامريكيه او عالاقل الاول من نوعه فالصيحه دي.
اتمني اكون كنت واضح كفايه و أوصل وجهة نظري بأبسط طريقه ممكنه. اتمني كمان اسمع اراءكوا جدا.
واستنوا الجزء التاني قريب اوي 💜
تعليقات
إرسال تعليق