الكأس؟ الفرسان؟ الاخويه؟
تحذير:لو ف نيتك تقرا رواية شفرة داڤنشي متقراش الكلام ده عشان هيحرقلك الروايه ولو هتتفرج عالفيلم نفس الكلام. نخش فالموضوع علي طول (بصوت طلعت زكريا ف فيلم غبي منه فيه) هبدأ الموضوع بالترتيب الزمني مش بترتيب اهمية الاحداث واللي بين القوسين ده حاجات بس تربط الافكار ببعضها عشان منتلعبظش ف اخر القرن الحادي عشر وإذ فجأة ظهرت حاجه هزت العالم كله اتسمت بعد كدا بالحملات او بالحروب الصليبيه.. طبعا اخدناها فالدراسات وريتشارد عمل ايه وصلاح الدين وكل ده بس انا عايز اتكلم عن حاجه تانيه خالص، ليه اصلا الحروب الصليبيه؟.. اتقال فالتاريخ ان فكرة الحمله الصليبيه الاولي اللي هي غالبا كانت سلميه او قالوا انها سلميه وصلت القدس بغرض حماية الحجاج المسيحيين رغم انه محدش طلب وغالبا محدش بيتعرض للأذي للدرجه اللي تخلي دوله او دول تحرك جيشها عشان تحمي مجموعه من البشر (بالمناسبه مجموعة البشر دول اللي هما الارثوذوكس والارثوذوكس اليونانيين ومسيحيي العراق والقدس وسوريا اللي هما اصلا ف اوروبا بيكرهوهم نتيجه للنزاع العقائدي) وركزوا ف بيكرهوهم دي عشان مش هيبقي سبب منطقي لإستمرارهم.. المهم ان السلطه الحاكمه للعال...