المعلم الاكبر
بما ان دي اول حاجه هكتبها ف هتكلم عن الشخص اللي خلاني اشوف العالم بالطريقه اللي انا شايفها دلوقتي..فالغالب كلامي هو كله عباره عن اسأله وارائي الشخصيه وتفسيراتي اللي ممكن تكون صح وغالبا هتكون غلط.. وثانيا الحاجات اللي قاريها كلها تحتمل الشك لأن الشخص اللي هتكلم عنه مبتهيأليش اننا هنعرف عنه حاجه اكيده غير انه اتولد ومات وال 15 لوحه فقط اللي وصلولنا رغم انه شبه مؤكد ان فيه عشرات من اللوحات اتسرقت او اتشوهت او ضاعت.. *المعلم الاكبر ليوناردو داڤنشي* وف رأيي واحد من اغمض عشر ظواهر واشخاص علي كوكب الارض .. للعلم مش اكتر داڤنشي كان ابن غير شرعي.. واحد من اثرياء ايطاليا غلط مع فلاحه بسيطه اصلا متجوزه من حظ داڤنشي ان باباه اخده لما كمل 15 سنه واعترف بيه لكن عمره ما اعترف بمامته نظرا لمستوي الاب الاجتماعي ..نتكلم عن الحته دي واحد ف عصر النهضه (اللي يكاد يكون اكتر عصر فيه علامات استفهام فالتاريخ.. حقبه زمنيه مريبه كله بيضرب ف كله سطوة الكنيسه مع الاثرياء مع ظهور اسرار محدش سمع عنها قبل كدا مع ظهور طبقات فاحشة الثراء بدون ماضي مشرف او نسل مشهور، حروب بلا اسباب واضحه بالمره..اوروبا بالكامل بتتشا...